法國強勢闖4強！歐國盃東道主法國今晨喺8強出戰「臣」奇球隊冰島，最後憑住上半場嘅完美演出狂轟4球下，最後埋單計數贏到5比2殺入4強，準決賽將會火併德國爭入決賽。
主隊今場一早控制戰局，除咗話控球比率超逾6成，仲喺12分鐘就憑基奧特接應馬度迪妙傳，突破越位殺入禁區左路勁射破網領先。得勢不饒人嘅「高盧雄雞」，8分鐘後仲憑住保羅普巴接應角球頂入，拉開到2比0。之後冰島雖然間中都有突擊，但最接近一次嘅手榴彈戰術，保特華臣又喺門前射高。反而去到完場前兩分鐘內，法國先後憑住皮耶同基沙文各建一功，半場法國贏到4比0！
換邊後冰島未有放棄，作出兩個調動積極反撲，仲喺56分鐘憑史基賀臣近射得手追成1比4。雖然法國3分鐘後就有基奧特頂入個人今場第2球，將紀錄改寫成5比1，但冰島繼續力追，仲喺完場前6分鐘由比卡比查拿臣門前頂入，力戰追番到2比5完場，雖然8強止步，但都贏盡掌聲！
劉浩龍 Vs 湯文亮
今個夏日大爆足球金句！！仲有獎抽呀！
足球狂熱，席捲2016夏日。明星隊、財經名人隊喺「星級擂台」大鬥金句，每個賽日都咁好睇，今日明星隊派出劉浩龍、財經名人隊由湯文亮壓陣，實有精彩嘢。睇完金句，記得玩埋抽獎，豐富獎品等住你，快啲去彩報網頁 http://win.on.cc 參加喇！
獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛，好吸引呀！
推廣生意的競賽牌照號碼：047186
來源 source: http://hk.on.cc
|
鍾意就快D Share啦！
|
|
|
