2016年7月19日 星期二

杜如風林德信高調晒恩愛 網友勁葡萄 __,杜如風,林德信,

如果「信風戀」可以成真就好!因為真係真係好襯!「旅遊達人」杜如風早前同靚仔藝人林德信(Alex)喺地產廣告短片中飾演夫妻,第一輯喺網上播出之後反應熱烈,今日終於播出第二輯喇!兩個喺片中除咗sweet爆互餵之外,仲大玩「心形式」瑜伽,近距離同男神接觸,認真葡萄死女粉絲!零距離接觸差啲咀埋!第二輯講到杜如風同Alex返愛巢做情侶做嘅嘢,究竟做咗啲咩咁sweet呢?哦,原來係做瑜伽!不過杜如風對瑜伽係零 ...


如果「信風戀」可以成真就好!因為真係真係好襯!

「旅遊達人」杜如風早前同靚仔藝人林德信(Alex)喺地產廣告短片中飾演夫妻,第一輯喺網上播出之後反應熱烈,今日終於播出第二輯喇!兩個喺片中除咗sweet爆互餵之外,仲大玩「心形式」瑜伽,近距離同男神接觸,認真葡萄死女粉絲!

零距離接觸差啲咀埋!

第二輯講到杜如風同Alex返愛巢做情侶做嘅嘢,究竟做咗啲咩咁sweet呢?哦,原來係做瑜伽!不過杜如風對瑜伽係零認識,無謂畀啲高難度挑戰佢,Alex都係教啲簡單嘅動作。不過百厭嘅杜如風失平衡,差啲錫咗落Alex度,Alex都驚咗佢!最後喺望盡怡人山景嘅天台做咗個「心形式」雙人瑜伽,既簡單又浪漫。有網民話好羨慕杜如風可以零距離同男神Alex接觸,有啲網民就藉住呢半銀幕夫妻向另一半撒嬌,留言話「識得玩梗係學如風BB同林德信玩心形式瑜伽」。

「一夜夫妻百二蚊」

可能Alex平時只係唱歌同做瑜伽,對於主持節目似乎有啲生硬,不過好彩有杜如風助陣,成件事都變得非常盞鬼又有趣!有杜如風一定出唔少金句,一開波已經有「平西」,原來係平、靚、正嘅好東西喎,講清楚啲嘛風姐!今集講元朗一帶有咩地道又抵食嘅正嘢推介,杜如風搞gag話「一夜夫妻百二蚊」,每人只需$120港幣就可以食飽返屋企喎,究竟有咩正嘢呢?小食有叉燒醬燒豬頸肉、豆腐花同炸雞皮,有網民話聽到都流晒口水,好有衝動即刻入元朗食串炸雞皮!過咗飯後時間真係唔好睇飲食節目,不過睇呢條片就冇事呢,因為條片本身係一個地產廣告嚟㗎!至於甜品方面,自言「人食我又食,咁咪唔型囉」嘅風姐冇帶大家去食馳名B仔涼粉,反而去咗小型西式甜品店,原來個大廚曾經喺半島酒店做餅廚,認真臥虎藏龍呀!

網民有話兒

Vxxxy xxm:其實元朗仲有好多平西架(㗎)!

Sxxa Chxx:So juicy!So sweet!好中(鍾)意呢對信風couple。真係愛上元朗鳥(了)!

Chax xo Wxx:元朗都夠塞㗎喇~睇嚟重唔塞死,好野(嘢)~大家唔駛(使)行(車)。落左(咗)西鐵用腳吧!

Cxxi Fxxx:元朗唔掃街對唔住自己

Txxx Tsx Chxx:好靚仔點算


來源 source: http://hk.on.cc
鍾意就快D Share啦!