17,916 views│2016年07月19日
綽號「車神」嘅水房猛人盲亨，向來都係江湖惹火人物，事非多多。前幾晚，盲亨又遇到麻煩事，佢疑似食完飯唔俾錢，搞到俾一班勝和古惑仔圍，《壹》仔就獲得一段獨家盲亨被圍短片。
消息人士話，盲亨好鍾意去深水埗桂林街一間小菜館食飯，而且恃住自己有江湖地位，一向食完都唔會找數。
上星期，盲亨又拉隊去該小菜館開餐。不過，間舖頭近日轉咗老闆，而老闆一名朋友，係和勝和叫阿榮嘅大老輩人物。據悉，阿榮早前已經搵盲亨「傾偈」，表明小菜館生意難做，希望盲亨高抬貴手，以後嚟食嘢都找番數。不過，有人就當耳邊風。
上星期五下晝，盲亨又帶咗一大班朋友去食飯，據悉張單總數過千蚊。盲亨亦照舊拍拍屁股走人，冇諗住埋單，而且仲叫門生喺小菜館撒溪錢添。
勝和大佬阿榮知悉事件，即時扯火。而當晚盲亨同朋友去左桂林街一間糖水舖食糖水，勝和大佬阿榮知道後，即時「吹雞」，唔使十分鐘，十幾個勝和古惑仔，殺氣騰騰湧到糖水舖門口，大大聲咁話：「盲亨食嘢唔俾錢呀」、「盲亨，食咗人千幾蚊，找埋數先好走呀。」
《壹》仔去過糖水舖查問，但職員顯得十分避忌，唔想談論事件，又叫《壹》仔向夜班職員查問。
消息人士同《壹》仔講，盲亨最終都冇找數。有人預計，呢次食霸王餐事件，隨時引致兩個黑幫大火拼。
消息人士話，盲亨好鍾意去深水埗桂林街一間小菜館食飯，而且恃住自己有江湖地位，一向食完都唔會找數。
上星期，盲亨又拉隊去該小菜館開餐。不過，間舖頭近日轉咗老闆，而老闆一名朋友，係和勝和叫阿榮嘅大老輩人物。據悉，阿榮早前已經搵盲亨「傾偈」，表明小菜館生意難做，希望盲亨高抬貴手，以後嚟食嘢都找番數。不過，有人就當耳邊風。
上星期五下晝，盲亨又帶咗一大班朋友去食飯，據悉張單總數過千蚊。盲亨亦照舊拍拍屁股走人，冇諗住埋單，而且仲叫門生喺小菜館撒溪錢添。
勝和大佬阿榮知悉事件，即時扯火。而當晚盲亨同朋友去左桂林街一間糖水舖食糖水，勝和大佬阿榮知道後，即時「吹雞」，唔使十分鐘，十幾個勝和古惑仔，殺氣騰騰湧到糖水舖門口，大大聲咁話：「盲亨食嘢唔俾錢呀」、「盲亨，食咗人千幾蚊，找埋數先好走呀。」
《壹》仔去過糖水舖查問，但職員顯得十分避忌，唔想談論事件，又叫《壹》仔向夜班職員查問。
消息人士同《壹》仔講，盲亨最終都冇找數。有人預計，呢次食霸王餐事件，隨時引致兩個黑幫大火拼。
- 綽號「車神」嘅水房猛人盲亨，向來都係江湖惹火人物，事非多多。
來源 source: http://nextplus.nextmedia.com
|
鍾意就快D Share啦！
|
|
|
