掃呢頁CODE去手機

2016年7月24日 星期日

【黎明FB Live又有新玩法】坐滿四千人場館玩航拍 Leon念念不忘冷氣 __,黎明,

今晚黎明喺澳門新濠影匯舉行嘅個唱都有fblive,而且仲係航拍,「唔掂地」嘅。成個場館咁多人,玩航拍?咁咪好危險?黎明話:「放心,唔會喺你哋頭頂飛過,航拍機有一樣嘢就係呢,當佢失控嘅時候,佢會懸掛喺空中十分鐘,先吸跌落嚟,所以你哋唔好郁,就冇事0架喇。」全場fans繼續尖叫「Leon!!!!!」黎明笑了笑,就話:「好,喺度送俾大家,《情》。」成個航拍fblive長4分45秒,live畫面真係好震撼 ...




其他影片:>>






今晚黎明喺澳門新濠影匯舉行嘅個唱都有fb live,而且仲係航拍,「唔掂地」嘅。成個場館咁多人,玩航拍?咁咪好危險?黎明話:「放心,唔會喺你哋頭頂飛過,航拍機有一樣嘢就係呢,當佢失控嘅時候,佢會懸掛喺空中十分鐘,先吸跌落嚟,所以你哋唔好郁,就冇事0架喇。」全場fans繼續尖叫「Leon!!!!!」黎明笑了笑,就話:「好,喺度送俾大家,《情》。」成個航拍fb live長4分45秒,live畫面真係好震撼,全場4000人坐滿晒,不過可惜去到片尾就窒得好緊要,令核心外圍嘅歌迷有啲啲失望。Leon做完航拍後,就講咗句:「OK, well.」,再做咗個叫大家歡呼嘅手勢:「今日呢,我哋有冷氣喇,其實上次我都唔在乎有冇冷氣,有時你在意就會冇咗,唔在意呢又會有番。」跟住就唱第5首歌《如果可以再見你》,之後就入後台換衫。黎明多次重提「冷氣」,係因為佢上次喺中環核心內圍開4D演唱會,開騷之前,明福俠喺fb同大家講:「有冷氣有冷氣有冷氣,唔係冇冷氣嘅,你哋唔使再嚟問我喇!」點知之後發生帳篷物料有問題,要拆,於是,有冷氣真係變成冇冷氣……sosad。


鍾意就快D Share啦!