掃呢頁CODE去手機

2016年8月11日 星期四

當街扯 灌酒三小時 氹 34D彭湘淇過夜 李思捷 5分鐘搞掂 [壹週刊 - 1379] __,思捷,彭湘淇,李思捷,M1,

劈咗幾粒鐘,離開時,李思捷扶實飲到面都紅晒的Cory行。娛頭當街扯 灌酒三小時 氹34D彭湘淇過夜 李思捷5分鐘搞掂42歲的李思捷自與「春卷」王寶寶甩拖後,主力雜食的他最近又有新target,不過今次唔玩驅風中女,而是只有20出頭的「身心美慈善基金」靚女副主席彭湘淇(Cory)。二人孖住到山林道食日本菜,兩杯落肚,「雜食王」立即出招,氹對方繼續下場。就算女方唔多願,李思捷亦唔肯罷休;經過一輪當街拉 ...


劈咗幾粒鐘,離開時,李思捷扶實飲到面都紅晒的 Cory行。

娛頭

當街扯 灌酒三小時 氹 34D彭湘淇過夜 李思捷 5分鐘搞掂

42歲的李思捷自與「春卷」王寶寶甩拖後,主力雜食的他最近又有新 target,不過今次唔玩驅風中女,而是只有 20出頭的「身心美慈善基金」靚女副主席彭湘淇( Cory)。

二人孖住到山林道食日本菜,兩杯落肚,「雜食王」立即出招,氹對方繼續下場。就算女方唔多願,李思捷亦唔肯罷休;經過一輪當街拉址後,飲到貓晒的 Cory最終就範,齊齊坐的士返李思捷何文田山道寓所過夜。

坐房慢慢歎

家底、名氣,李思捷要正正經經搵番個女友,一定唔難,同春卷分手後,雜食王卻全力玩就手,更老嫩通殺,早排搭上有「馬來西亞第一名模」之稱的人妻謝麗萍( Amber),但轉個頭,已更新目標,轉溝有 34D火辣身材的彭湘淇( Cory)。

上月十日晚,本刊發現李思捷一支公現身尖沙咀山林道一間日本料理,未幾,就見身穿低胸白色連身短裙的 Cory到。約女撐枱腳,李思捷特別安排坐入 VIP房,免受其他食客騷擾。

現場所見,侍應不時進出房間,為二人添酒,其間更見已飲到有醉意的 Cory急跑入洗手間,十居其九飲到想「劏」!

覓食高手李思捷多次拉 Cory上車返屋企,只見女方不斷 fing開他嗌走。

已經飲到貓晒嘅 Cory,任由李思捷抬上車。

到口的美食,當然唔會輕易放走。

欲拒還迎

八點飲到十一點,腳浮浮面紅紅的 Cory才由李思捷扶實離開。李思捷第一時間截的士並拉 Cory上車,但她不斷想 fing開對方,擰頭嗌走。

覓食經驗豐富的雜食王當然不會輕易放走到口的獵物,一招「情聖」上身,輕撫 Cory額頭再加三兩句甜言蜜語,掂咗!

欲拒還迎的 Cory上到車,即與李思捷攬埋一嚿,一齊返李思捷位於何文田的寓所繼續 happy。

當知道對方原來要跟埋上車, Cory立即企定拒絕,李思捷轉用軟功,輕撫女方額頭扮情聖,成功氹掂欲拒還迎的 Cory。

上到的士,二人攬埋一嚿。

李思捷成功帶 Cory返何文田寓所繼續 happy,今晚有着落。

得戚回應

本週二(八月八日),李思捷被問到同辣模 Cory當街拉扯一輪後,再同返屋企繼續下場,他一臉不耐煩,還反問記者:「我同好多女仔喺山林道食飯,俾張相嚟睇吓,我話俾你聽係邊個。」之後急急腳上車走人。

記者致電求證女主角時,一開始 Cory認識李思捷,但當問到她上對方屋企過夜,即表現緊張。

「吓!冇!(我哋親眼見到李思捷拉你上車,之後你哋一齊返佢屋企?)你哋(指記者)究竟影咗咩相呀?(你同佢拍拖?)其實已經識咗李思捷六、七年時間,識咗咁耐,點會到而家先一齊?

「(你飲到好醉,記唔記得?)我哋成班朋友去飲嘢,之前有合作所以多咗傾偈,我唔喺香港,遲啲再講!」彭湘淇說。

擁有 34D火辣身材的彭湘淇( Cory),為「現代美容中心」代言多年。

李思捷同年輕十五年的「春卷」王寶寶拍拖多年,男方多次偷食斷正,完全當正印冇到,最後分手收場。

李思捷在無綫新劇《超能老豆》中化身湊仔公,更加與童星羅梓龍上埋契,父性大發。

Cory曾將同李思捷的貼頭合照 po上網。

Cory同李思捷早前在慈善晚宴上碰頭,全程形影不離。

咬住唔放

據了解,二人是今年初在朋友生日會相識,月前的慈善晚宴中再遇上,李思捷便鎖定目標,全晚咬住 Cory唔放。

「嗰晚係『身心美慈善基金』年度晚會,今年大會請咗李思捷做嘉賓,其實現場有好多 model,但 Cory係副主席,所以被安排同李思捷坐。佢兩個全晚已經好好傾,估唔到真係咁快搞埋!」當晚有在現場的一名𡃁模說。

有女唔上,罪過罪過!雜食王李思捷,豈會放慢手腳走雞呢!

對同辣模飯後在尖沙咀當街拉扯,氹人返屋企,李思捷得戚表示:「我同好多女仔喺山林道食飯!」

遇上比自己更猴擒的陳雅倫,在的士上同李思捷又啜又 un。

最緊要有嘢落肚,大自己八年的陳雅倫一樣照啃,二人更曾在街頭激嘴。

郭天王都啱睇

擁有 34D身材的彭湘淇( Cory), 13年入行,曾推出派台歌《變身》及《甚麼叫幸福》, Cory經常現身慈善活動,現為「身心美慈善基金」副主席,因身材驕人而成為廣告商寵兒,是「現代美容中心」代言人。去年,有傳同樣熱愛玩賽車的 Cory,獲天王郭富城主動關注 instagram,因而傳出緋聞。

同樣熱愛賽車的 Cory,連天王城城都 like,二人曾傳緋聞。

乜都啱食

叫得雜食王,李思捷多年來戰績彪炳,仲要無分年齡、類型,但求就手,食得唔好嘥。

春卷

09年,搭上「味之天使」春卷(王寶寶),為私有化女友,李思捷要求對方退出幕前,因難忍男友頻頻偷食,女方甚至搞到抑鬱,最終主動提出分手,結束四年情。

Naomi

12年,撻着𡃁模 Naomi,二人澳門過夜斷正,有傳 Naomi更為男方自殺入院。

陳雅倫

13年,合作《玩嘢王》時與大八年的陳雅倫撻着,二人被拍到於的士內又擒又啜,女方更對男方貼耳呵氣,旁若無人。

萬綺雯

14年,二人合作無綫劇《牛頭唔搭馬嘴》傳出緋聞,有指李思捷對住人妻萬綺雯大獻殷勤,出盡冧功,又叫傳媒錫住萬綺雯寫衰自己。

撰文、攝影、攝錄:娛樂組


鍾意就快D Share啦!