電影圈有個奇怪現象，就係以往同過周星馳合作嘅，姑勿論演員、導演甚至係投資者，今時今日，接受訪問嘅好、抑或忍唔住自爆都好，三句不離周星馳。之前向太陳嵐力數周星馳多宗罪。嚟緊9月中，劉鎮偉套新戲《大話西遊3》，成套戲，除咗莫文蔚繼續有份做，其餘角色，面目全非。俾人話繼續食老本、炒冷飯嘅導演劉鎮偉，新戲上演在即，又要勞煩請星爺出場，首先，係代星爺反擊向太嘅言論，然後再爆獨家消息。劉鎮偉早排接受新浪娛樂訪問，先批評陳嵐對星爺指控只係道聽塗說，之後就大讚星爺係一個用情至深嘅人：「1990年的一個晚上，他（星爺）坐在我的旁邊，那時拍《賭聖》時，他和我說『我想結婚』。我就覺得，你是開玩笑吧？你這個人會想結婚？你這麼愛自己的一個人，怎麼會結婚？」劉鎮偉又指星爺同嗰個女仔分手後，有一次仲難過到主動搵佢談心，言語間，星爺話自己痛苦到已經無法再愛人。劉鎮偉仲話，幾年之後，星爺就同佢講咗一句說話：「以後有什麼好的角色就給阿茵（朱茵），幫幫她。」新浪記者就話呢個時候，劉鎮偉先意識到自己唔小心講咗「朱茵」個名出嚟，跟住佢又對記者話：「他是一個這樣的男孩子，分手了之後會去維護她。」於是大陸傳媒就紛紛將「星爺結婚對象」同朱茵加上等號，指劉鎮偉爆料話星爺想娶朱茵。不過，劉鎮偉以上所講嘅情節，據本報所知，雖然確有其事，但星爺當年想同佢一生一世嗰個，唔係朱茵，而係莫文蔚，而時間亦係95年莫文蔚同星爺拍《西遊記》之後，至於劉鎮偉喺訪問中亦有提到莫文蔚，佢話：「新戲中，她飾演的白晶晶要說一句對白，講完以後她就崩潰了，我就看出來這段戲是真做的，看完我就知道，她用情很深。」其實……拍套《周星馳傳》，應該仲有號召力，劉大導，諗得過喎！
|
鍾意就快D Share啦！
|
|
|