創科局成立大半年，市民未見到有何建樹，反而民間致力以不同途徑將科技融入生活。位於旺角砵蘭街的金旺餐廳，上周斥近6位數字引入兩台機械人侍應，負責知客及送餐工作。老闆指機械人雖未如預期般可取代人手，但意外地成綽頭，幾日間生意急增一成半，會繼續與機械人公司合作改良功能。機械人侍應身高與一般成年人相約，其中知客機械人設有螢幕顯示餐牌，會讀出餐牌內容並打招呼；送餐機械人有托盤，會沿地上的定位點移動到指定座位，遇到障礙物會發聲要求讓路。金旺餐廳老闆陳志明表示，自己於內地餐廳發現有機械人侍應，「但香港未見過有」，於是決定引進香港，打算節省部份人手開支。但在實際應用時，只有知客機械人符合預期，「要揾個人日曬雨淋企門口好難」，但送餐機械人卻有不少限制，「佢唔能夠落單，轉彎唔穩唔能夠送熱飲，到咗客人亦都要自己去拎」。雖然功能強差人意，但陳老闆稱有意外收穫，「呢邊平時唔算好多人，但呢兩日多咗客為個機械人過嚟，生意好咗10至15%」。食客周先生指機械人送餐夠新奇，另一食客羅女士更雀躍與機械人合照，「不過唔係好有用，同埋香港地方太細會阻住」。陳老闆說，今次添置兩台機械人共花近6位數字，而對方亦有意開拓本地市場，故特別派員到港改良。他透露將會改用較矮的機械人提高穩定性，亦會研究加入輕觸式屏幕作落單之用。
| 何家達攝 | | |
| | | |
來源 source: http://hk.apple.nextmedia.com
|
鍾意就快D Share啦！
|
|
|