兜兜轉轉，終於在一起……40歲舒淇日前同42歲馮德倫結婚，正式升呢做人妻，唔少網民都戥佢哋開心，認為佢哋係sweet爆嘅一對，更指佢哋係有情人終成眷屬，令全城好感動!!!舒淇同馮德倫自1997年因為拍《美少年之戀》而認識，2009年傳出正式拍拖，2012年被影到東京蜜會，戀情曝光，但屢傳「分訊」，2013年4月，舒淇寫咗個post提到「勇敢說再見，從此不相欠」，外間以為兩人分咗手，同馮德倫多年嚟被傳分分合合，不過一直以來，二人都冇承認戀情或「分訊」，反而兩人不時喺Instagram以貓傳情，似散又似未散咁，據知兩人其實冇分手，而且感情仲越嚟越好，打風都打唔甩!早前舒淇好姊妹林心如先喺峇里嫁霍建華，唔知係唔係呢個原因，令馮德倫都想同女友舒淇結婚，令對方成為馮太，而佢哋兩個今日就透過寰亞公關發咗結婚相，證實已經結咗婚!
來源 source: http://hk.apple.nextmedia.com
|
鍾意就快D Share啦！
|
|
|
