抱住小童坐司機位駕車，可謂罔顧自己及他人的安全，但相關新聞仍是屢見不鮮，有網友近日又再發現有人做出此等缺德行為，照片一上載到網，立即引來網友大肆抨擊，強調應該立即報警處理。
有關相片由網民Sammy Ho拍攝，之後轉載至facebook其他群組。相中可見一名男子抱住男童坐在司機位，男童的手放在軚盤上，眼望前方，似是正在駕車。貼主留言鬧爆相中男子「又PK又腦殘」，指他嚴重危害自己與其他道路使用者的人身安全，不少網友亦非常「勞氣」，覺得男子行為離譜，直言「罰錢事少，害到人同自己個小朋友先重要」。
有網民更指，如果他親身目睹此情況，除了會報警外，更會「死跟」對方，在對方後面「係咁砵」。有人就詢問，如果得相無片，「係咪有得駁話架車無郁到？」有網民回覆指「有冇郁都唔得，沒牌係連司機位都唔坐得」，有人就話「要望番條法例點寫」。有無犯法是一回事，但好明顯會影響其他人的安全，顧己及人，如斯行為真係點都唔應該做。
根據運輸署條例，司機在道路上駕車時，如無適當的謹慎及專注，或未有合理顧及其他道路使用者，如抱着小孩而影響駕駛，有可能觸犯「不小心駕駛」或「危險駕駛」罪，前者可被罰款5000港元及監禁6個月，而後者則可被罰2.5萬港元及監禁3年；至於如兒童未有佩戴安全帶或與駕駛者同時佩戴同一條安全帶，司機可被罰款2000港元。
網民有話說
Billy Chiu：比(畀)我見到即刻打999
Corey Ho：報警呀~~我唔想下次出街俾(畀)個小朋友撞~~
Harry Chan：上次同樣事件好似社服令
Ken Wong：唉，唔好影響到駕駛者同路人喇，有意外就慘，顧己及人先得架(㗎)
Yi Fong：相唔夠證據
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|
