掃呢頁CODE去手機

2016年9月29日 星期四

【獨家】成功再追第二胎 前港姐吳忻熹陀B 6個月預產期明年2月 __,港姐,

下月便42歲嘅98年港姐季軍吳忻熹(前名吳文忻),五年前嫁畀有「南丫島王子」之稱嘅金融才俊陳劍陵,兩年前仲生咗囡囡陳芊彤(Scarlet),佢一直有意再生多個,諗住兩個夠晒數。呢個家庭計劃終於實現,吳忻熹近日真係低調造人成功,陀B六個月,腹大便便,吳忻熹雖然有update佢facebook,但好少貼全身相,即使po相都係自拍大頭同半身,又或囡囡相,所以再大肚消息一直冚得好密,不過日前有佢嘅閨密唔覺 ...




其他影片:>>






下月便42歲嘅98年港姐季軍吳忻熹(前名吳文忻),五年前嫁畀有「南丫島王子」之稱嘅金融才俊陳劍陵,兩年前仲生咗囡囡陳芊彤(Scarlet),佢一直有意再生多個,諗住兩個夠晒數。呢個家庭計劃終於實現,吳忻熹近日真係低調造人成功,陀B六個月,腹大便便,吳忻熹雖然有update佢facebook,但好少貼全身相,即使po相都係自拍大頭同半身,又或囡囡相,所以再大肚消息一直冚得好密,不過日前有佢嘅閨密唔覺意貼咗同吳忻熹high tea相,相中見佢個肚好大兼谷奶,成個人脹咗一個碼,洩露咗吳忻熹再度懷孕陀B。吳忻熹上月湊女返幼稚園時,佢着住短褲時都見身形圓潤咗唔少,以為只係心廣體胖,點知其實已有BB,不過佢仲好活躍,唔單止日日湊女,上周仲約埋班friend睇鄭秀文演唱會,因為有咗第一次陀女經驗,佢當然知晒禁忌,好好享受十月懷胎。已有一女嘅吳忻熹,一直恨再追B為囡囡做伴,終於如願以償,以佢o依家6個月身孕計,預產期估計係明年2月,農曆新年後。《蘋果》今日打畀吳忻熹,恭喜佢將做第二任媽咪,佢話:「多謝多謝,收到好多朋友嘅祝福。」到底佢呢胎係陀仔定陀女?吳忻熹大賣關子:「大家估吓,到時先揭盅。」吳忻熹仲話呢胎係送畀囡囡嘅禮物,希望佢成長有伴,佢生埋呢胎都封肚。吳忻熹婚後即淡出幕前,專心相夫教女,以家庭為重,佢好享受湊女生活,平日都必定親自送囡囡返幼稚園,再生多一胎,佢肯定有排忙。

吳忻熹兩年前生咗囡囡陳芊彤,最近再次造人成功,陀B六個月 其實吳忻熹keep住都好低調,不過就有閨密貼咗同吳忻熹high tea相,相中見佢個肚好大兼谷奶,成個人脹咗一個碼,洩露咗吳忻熹再度懷孕陀B。
上周吳忻熹仲約埋班friend睇鄭秀文演唱會 42歲嘅吳忻熹五年前嫁畀有「南丫島王子」之稱嘅金融才俊陳劍陵,囡囡陳芊彤都已經兩歲喇!

鍾意就快D Share啦!