掃呢頁CODE去手機

2016年9月12日 星期一

【把口快過個腦】港姐主持阿叻當眾爆粗 阿Bob無辜被X __,阿B,陳百祥,阿叻,林盛斌,Bob,港姐,鍾鎮濤,

網民讚農夫同Do姐有火花。opera舞台背景忽然多咗個巨型機械人!噚晚大台舉行港姐決賽,破天荒撈埋港男一齊選,結果由頭帶到落尾嘅馮盈盈同黎振燁,分別奪得港姐、港男冠軍。成個節目,無論背景同港姐着嘅衫,都叫華麗有心思,不過明明係opera嘅背景,中段忽然加隻巨型TVSuper機械人,就等如蒸魚落茄汁,煲老火湯落香腸火腿咁,成件事錯晒。不過最錯嘅係,噚晚身為司儀嘅阿叻陳百祥,又喺節目講馬經之外,竟然仲 ...


網民讚農夫同Do姐有火花。
opera舞台背景忽然多咗個巨型機械人!

噚晚大台舉行港姐決賽,破天荒撈埋港男一齊選,結果由頭帶到落尾嘅馮盈盈同黎振燁,分別奪得港姐、港男冠軍。成個節目,無論背景同港姐着嘅衫,都叫華麗有心思,不過明明係opera嘅背景,中段忽然加隻巨型TV Super機械人,就等如蒸魚落茄汁,煲老火湯落香腸火腿咁,成件事錯晒。不過最錯嘅係,噚晚身為司儀嘅阿叻陳百祥,又喺節目講馬經之外,竟然仲當眾爆粗……事緣佢同阿Bob喺台上chitchat嗰陣,Bob話冇俾星級評判選做司儀嘅佳麗都幾灰,點知把口快過個腦嘅阿叻就話:「有幾灰啫……喂!大佬,o依家係選美,X,你估真係做主持呀!」由於阿叻呢個「X」講得實在太過鏗鏘,就連阿Bob都俾佢嚇窒,呆咗接唔到嘴!


鍾意就快D Share啦!