掃呢頁CODE去手機

2016年9月12日 星期一

【動畫】Tesla回購掀熱潮 月供$7,989揸新E-Class __,

【短片】【動畫】Tesla回購掀熱潮月供$7,989揸新E-Class2016-09-1218:28:00HKT買新車多了很多選擇上會,新方向是以租車概念代替傳統月供。用平治Agility計劃買新車,三年後有三個方案供車主選擇。Tesla的RVG回售保證計劃,是帶起電車熱潮的原因之一。車行其實有時會選擇指定型號讓車主以BalloonPayment出車,如AudiA3。通街都係Tesla電車,因為月 ...


【短片】【動畫】Tesla回購掀熱潮 月供$7,989揸新E-Class

2016-09-12 18:28:00 HKT



買新車多了很多選擇上會,新方向是以租車概念代替傳統月供。



用平治Agility計劃買新車,三年後有三個方案供車主選擇。



Tesla的RVG回售保證計劃,是帶起電車熱潮的原因之一。



車行其實有時會選擇指定型號讓車主以Balloon Payment出車,如Audi A3。

通街都係Tesla電車,因為月供九千幾可以揸部70幾萬的Model S 75D,車行仲有個保證價回收部車,三年後可以收番約六成車價,如果唔過里數,分分鐘仲有錢袋,都咪話唔吸引。其實供款咁平,皆因Tesla以外國十分流行的balloon payment計算(即貸款額縮小,但之後需一次過償還餘額。),所以頭三年供款較少。以車價$752,400為例,月供$9,663,三年後就要找$413,820的尾數,不過RVG回售保證計劃於三年後的價值是$469,340,所以到時你唔要部車,仲有五萬幾落袋。

眼見Tesla如此出招吸客,其他車行亦開始引入多元化的上會留住車主。好似平治最新就有Agility計劃,E-Class以下的大部份車系都有回購保證。以50幾萬的E 200為例,傳統上會五年月供要約一萬元,不過新計劃就每個月只供$7,989。三年期約滿後有三個選擇,第一是平治可無條件收回汽車,每月畀八千當租車揸;第二是車主可以補回27萬幾的回購價買走部車;第三個選擇是再續新Agility計劃,trade-in另一部新車玩。若然部E200當時只值25萬,車主無需補貼兩萬幾差額;相反部車當時值30萬的話,平治會畀番兩萬幾蚊你。以外國流行的租車概念供車,車主可以不停有新車玩,又免卻三年後的保養維修費,的確幾吸引。

至於寶馬都有類似新計劃,名為BMW Finance Special計劃,買車首三年期只需供車價的50%,之後可以選擇找埋餘下50%尾數買車,或者Re-finance餘下50%金額(即再分期攤還),又或Trade-in另一部新車,不過就無回購保證價收車,車主要補貼差額。就連VW的Golf Match及Passat ACT都做七年特長上會,而Audi A3亦有Balloon Payment計劃,頭五年只需供車價80%,不過五年後贖車就要找埋車價兩成的尾數。最後要提提大家,新計劃有好多條文規限,例如里數或車身損壞等點計,記住問清楚細節。

【Tesla Model S 75D】連options車價:$752,400訂金:$50,000月供:$9,663(三年期)三年後需繳付車價餘額:$413,820RVG回售保證計劃:(Options x 55%)+(Base Price x 65%)= $469,340

【平治Agility計劃】E-200車價:$564,000訂金:$56,400月供:$7,989(三年期)三年後選擇:1.將車交回車行2.買走(補GFV回購保證價$276,360)3.Trade-in新車再續Agility計劃註:若當時二手價高於GFV,車行會俾番所賺差額。

【BMW Finance Special】520iA車價:$449,900訂金:$44,990月供$6,349(三年期)三年後選擇:1.買走(找車價尾數50% = $224,950)2.Re-finance財務方案處理$224,950餘額3.Trade-in新車(車主要補貼差額)

【Audi Balloon Payment】A3車價:$259,900訂金:$12,995月供:$3,869(五年期)找車價20%尾數買走:$49,381

記者:許維雅


鍾意就快D Share啦!