今屆《2016香港先生選舉》已經圓滿結束，大熱人選「翻版古天樂」黎振燁不負眾望，成為出爐港男冠軍，恭喜晒！正當女性網友忙住睇一班侯選港男時，其實男性網友亦有眼福，皆因有份出席嘅女星盛裝上陣，仲例牌以性感晚裝示人，大方展示其美好身段，睇到網友目不暇給兼流晒鼻血添！不過，個個女星都「要胸有胸、要腿有腿」，要喺當中突圍而出唔使靠劍嘅，原來靠奇招就可以搶盡風頭
講緊嘅咪就係女子組合Super Girls（SG）囉！SG五位成員個個都樣靚身材正，其中成員Heidi外表甜美，更被封為「宅男女神」，不過當晚Heidi以一襲低胸長裙現身就「出事」。其實從正面睇，Heidi性感又有貴氣，點知鏡頭ZOOM埋去側面睇，發現佢唔單止離晒罩，仲露出厚厚嘅水餃墊，個墊目測都有5cm厚度㗎，今次Heidi真係仙氣盡失，女神地位不保啦，唉！
呢張穿崩相一夜之間喺網上瘋傳，仲引起網友們熱烈討論。有網友指Heidi想將平平無奇嘅身材加工至「導彈」上圍，太過貪心先至「出事」，仲笑個水餃墊厚到機關槍都打唔入，仲唔係新式避彈衣？亦有網友誇張咁話：「個PAD厚到咁心外壓都打唔入喎！」唔少粉絲好心痛女神今次失手，仲怪罪於造型師身上。
其實Heidi又唔使傷心喎，皆因有好姊妹Cheronna陪佢齊齊失手，實行「有福同享，有難同當」！Cheronna化咗個今年大熱嘅紫紅色唇妝，不過唔識FASHION嘅網友自然唔多欣賞，仲話佢呢個唇妝睇落似中咗毒，又笑佢似食完墨魚麵冇抹嘴添。
網民有話兒：
BlackXXX：哇！個PAD厚到咁心外壓都打唔入喎！
熊XX：我諗機關槍都打唔穿。
XX先生：自暴其短。
JOHXXXHC：Cheronna食完墨魚麵未抹嘴？定係中毒？
XXXNITAWONG：得罪化妝師及造型師系列。
|
鍾意就快D Share啦！
|
|
|
