最近陳展鵬同胡定欣傳一齊咗一個月，兩個仲被影到一齊喺車上食糖水，今日佢哋兩個就一齊出席活動，不就唔一齊合照，又唔一齊做訪問，陳展鵬接受訪問時，講番頭先唔一齊合照，佢就話：「都唔知乜事，可能近排合照得太多。」咁點解唔一齊做訪問？佢答：「可能公司驚我講錯嘢啦。」講到佢哋兩個嘅感情有冇升溫？佢都係耍太極話：「都係同事。」有冇發展機會？佢就話：「好難答，定欣係好好女仔，可能係我自己問題啫，咁多年我都有好多緋聞，但都係假，可能係我自己多年怪癖，因為太集中精神工作。」當聽到袁偉豪話叫佢哋不妨發展，陳展鵬就大反應：「吓，唔係吖！咁佢都會車定欣，唔通佢又試吓發展咩，以我經驗所得，其實有時呢啲緋聞講得太多會避忌，o依家個個打嚟恭喜我，以為我哋拍拖，其實我覺得keep住工作態度就好，一直都係工作為重，以前都答得太多呢啲問題，令自己尷尬同影響工作狀態，但so far到呢刻嚟講，咁多新聞都係良性，好好彩。」
來源 source: http://s.nextmedia.com
|
鍾意就快D Share啦！
|
|
|
