掃呢頁CODE去手機

2016年10月10日 星期一

【同場冇合照】定欣被拉走 展鵬勁尷尬 __,定欣,胡定欣,

點解會咁架?緋聞情侶陳展鵬和胡定欣晚上在尖沙咀出席美容產品活動。兩人顯得相當避忌,更不願一齊接受訪問,胡定欣訪問後記者打算邀請兩人合照,但胡定欣卻被助手拉走,令陳展鵬感到一臉惘然尷尬!讚展鵬Gentleman最近定欣被拍得與陳展鵬同車食糖水,記者即恭喜定欣有愛情滋潤,定欣說:「恭喜我?唔會啦,我嚟恭喜阿廉(曹永廉),佢產品大賣,帶挈我出event,我都收佢友情價!(同展鵬發展成點?)日日開工,冇任 ...


點解會咁架?

緋聞情侶陳展鵬和胡定欣晚上在尖沙咀出席美容產品活動。兩人顯得相當避忌,更不願一齊接受訪問,胡定欣訪問後記者打算邀請兩人合照,但胡定欣卻被助手拉走,令陳展鵬感到一臉惘然尷尬!

讚展鵬Gentleman

最近定欣被拍得與陳展鵬同車食糖水,記者即恭喜定欣有愛情滋潤,定欣說:「恭喜我?唔會啦,我嚟恭喜阿廉(曹永廉),佢產品大賣,帶挈我出event,我都收佢友情價!(同展鵬發展成點?)日日開工,冇任何進展。(你哋唔肯一齊做訪問!)唔係,大會安排,我冇所謂。(展鵬仲有冇車你?)有,因為大家都知我停咗牌。(畀黃智雯跟爆﹖)我真係好愛佢,最愛係佢,佢講錯嘢嗰吓已經即刻請我食飯,冇所謂啦,佢唔小心,希望時間快啲過,停半年牌,己經過咗一半。(袁偉豪唔敢車你,話留番畀展鵬車喎!)佢有女友唔係咁好,豹哥、黃智雯、李施嬅都會順路車我。(陳展鵬有冇車你?)去外景,荒山野嶺都會車埋,佢唔會掉低我喺荒山野嶺。(加分?)佢係好gentleman。(袁偉豪叫你哋試吓喎!)吓,佢咁講嘢嘅嘅!(試吓發展?)暫時戲裏面,反而大家要好好研究角色,戲裏面係拍檔,九成戲一齊,要好夾。」

展鵬:有感情當然可以發展

問到陳展鵬是否避與胡定欣合照?展鵬說:「我都唔知發生咩事,可能呢排影得太多。(訪問都唔一齊做?)我唔知,係咪驚我講錯嘢?(繼續車定欣?)今日我哋先拍完車戲,揸咗兩三個鐘車。(感情升溫?)都係咁,好拍檔。(有冇機會發展﹖)定欣係好好,係我自己問題,大家都知我咁多年緋聞都係假,可能我自己有怪癖啦,反而集中精神做嘢好啲。(定欣讚你gentleman喎!)公司個個都gentleman,個個都係筍盤。(袁偉豪叫你哋發展吓,留番畀你車定欣?)佢之前都有車定欣,盡可能唔想影響拍攝時嘅感情,講得多大家都會避忌,總之依家保持住好同事、拍檔關係。有感情當然可以發展,合約都冇寫話唔得,依家覺得工作重要啲,分心會好麻煩,同埋有啲尷尬,自己呢排都答到唔知答乜。(避忌?)冇,呢方面多啲經驗,總之唔好影響心態同情緒。」


來源 source: http://hk.on.cc
鍾意就快D Share啦!