掃呢頁CODE去手機

2016年10月25日 星期二

扑嘢房爆晒》旺角時鐘最墟冚 卡位排排坐 游蕙禎都知要排隊 __,游蕙禎,

因為游蕙禎一句「就算我哋而家想去扑嘢,都搵唔到房去扑。」扑嘢論即成為熱話。由於冇地方開房,係過去兩星期,記者去咗唔同地區嘅時鐘酒店睇睇香港人到底對時鐘酒店嘅需求有幾大!一個星期六嘅晚上,喺旺角某一時鐘酒店見到有幾對情侶排隊等房,記者一入門口已經有職員上前同記者講:「等一等,等執房。」生意果然好好。而呢間時鐘酒店嘅等候區仲好特別,座位設計到好似茶餐廳卡位咁,等每位客人都唔使用面對面坐,冇咁尷尬。至於 ...




其他影片:>>






因為游蕙禎一句「就算我哋而家想去扑嘢,都搵唔到房去扑。」扑嘢論即成為熱話。由於冇地方開房,係過去兩星期,記者去咗唔同地區嘅時鐘酒店睇睇香港人到底對時鐘酒店嘅需求有幾大!

一個星期六嘅晚上,喺旺角某一時鐘酒店見到有幾對情侶排隊等房,記者一入門口已經有職員上前同記者講:「等一等,等執房。」生意果然好好。而呢間時鐘酒店嘅等候區仲好特別,座位設計到好似茶餐廳卡位咁,等每位客人都唔使用面對面坐,冇咁尷尬。

至於傳統嘅爆房聖地九龍塘都要排,不過客人多數直接揸車入酒店,佢哋亦都只會坐係車上面等。而九龍塘兩間最搶手嘅時鐘酒店都係要等房嘅!平均都要等三四個字。對於要排隊開房,問返提出扑嘢論嘅游蕙禎嗰陣,佢就話:「喺外國,住屋權係好普遍,其實香港人連基本住屋權都冇,你談何係私人空間呢?」

當記者問到游蕙禎有冇去過時鐘酒店或見過要排隊時,佢表示:「聽朋友講要排隊,我未見過其實,朋友話俾我聽。」

至於當日有份同游蕙禎出席大學論壇嘅劉小麗就直言學生好難有私人空間,「唔好講話買樓,其實係有自己嘅空間都好難,買樓固然係一件好遙遠嘅事。對青年人嚟講,空間的確係好匱乏。」而身為理工大學專上學院講師嘅小麗被問到有冇學生同佢講到冇地方親熱時,小麗直言:「都幾尋常嘅一個反映嚟嘅!」小麗又指自己未聽過時鐘酒店要排隊喎!

撰文:何紫

攝影:金文、韋平


來源 source: http://s.nextmedia.com
鍾意就快D Share啦!