掃呢頁CODE去手機

2016年10月18日 星期二

英超Fever:【有片】迪基亞神救+黑貓詛咒 雙紅會窿窿 __,

(GettyImages)睇迪基亞2大神救:http://bit.ly/2dj7CNL 睇利物貓現晏菲路:http://bit.ly/2ee8oJz 迪基亞2個神救,做曼聯搶分英雄!萬眾期待嘅英超「雙雄會」利物浦主場對曼聯,紅魔領隊莫連奴以迫搶戰術反壓主隊,搞到利物浦換邊後先嚟料,安利簡恩、菲臘比古天奴先後起腳命射,但迪基亞打出最高水準施展世界級撲救,力守曼聯大門,最終雙方打成0:0完場。今仗開賽 ...


(Getty Images)

睇迪基亞2大神救:http://bit.ly/2dj7CNL 

睇利物貓現晏菲路:http://bit.ly/2ee8oJz 

迪基亞2個神救,做曼聯搶分英雄!萬眾期待嘅英超「雙雄會」利物浦主場對曼聯,紅魔領隊莫連奴以迫搶戰術反壓主隊,搞到利物浦換邊後先嚟料,安利簡恩、菲臘比古天奴先後起腳命射,但迪基亞打出最高水準施展世界級撲救,力守曼聯大門,最終雙方打成0:0完場。今仗開賽前,有隻小黑貓衝入球場,4年前晏菲路出現「利物貓」,嗰場波紅軍咁啱又係同熱刺互交白卷,唔通一有Livercat,紅軍就冇得叻?

今仗莫連奴以其人之道還治其人之身,迫到紅軍上半場完全打唔出水準,未能貫徹之前5連勝嘅水銀瀉地攻勢。紅魔主帥莫連奴,今場收起桑馬達及連格,改派艾舒利楊格同安達靴里拉於中場搶截,客軍球員波到人到,迫到紅軍要長時間喺己方半場搓波,大大減低主隊攻力。

今仗雙方勁戰術性,曼聯兩大巨星普巴同伊巴,分別於14分鐘及17分鐘作出遠射,不過卻射到冇晒譜。最大威脅攻勢喺25分鐘出現,拉舒福特於右路出個靚波,好彩紅軍門將卡利奧斯反應快撲橫,唔係伊巴就可以輕易射入。30分鐘紅軍終於取得第一個中龍攻勢,佐敦軒達臣右路一斬,羅拔圖法明奴一衝但冇力,畀迪基亞輕易沒收,半場雙方打成0:0平手。

下半場曼聯一樣作出緊纏,54分鐘更出現入波黃金機會,普巴於右路擺脫紅軍球員緊纏,一腳斬中勁靚,伊巴趕到一頂竟然唔係直接埋門,完全嘥晒。59分鐘紅軍嚟料,祖爾麥迪比助攻畀個超靚直線,安利簡恩殺入禁區,於人群中左腳一射,睇怕入硬點知迪基亞嚟個神救,之後迪基亞再度作出世界級撲救,71分鐘,古天奴又使出獨門絕技,於左路扣入中路起右腳勁射,迪基亞又嚟飛身撲出,認真犀利。84分鐘,古天奴後腳靚交,法明奴殺入禁區想起腳,點知又畀路爾斯華倫西亞爆SEED回身鏟走個波,最終雙方始終未能入波,各得1分。

SO東波同你追實體壇每個精彩時刻! 

http://on.fb.me/1PWMCFH 


來源 source: http://hk.on.cc
鍾意就快D Share啦!