張舒雅今日31歲正日生日，生日快樂呀！
前港姐張舒雅出席Momotaro一周年慶祝派對。適逢張舒雅31歲生日，便與餐廳齊齊慶祝，認真有意思。開業一周年的Momotaro主打日式Fusion料理，當中Momotaro Roll、黑松露和牛海膽飯更是餐廳的特色菜。熱愛日本菜的張舒雅表示喜歡食壽司，自己平時亦會煮日式咖喱豬扒飯。
張舒雅在現場獲好友送上驚喜，三隻真人扮的迷你兵團現身並掛上「Happy Birthday」字牌，兼送上粉紅色蛋糕，令張舒雅驚喜萬分。她表示：「好驚喜，我係好鍾意呢個卡通公仔，前幾年朋友送咗好大隻公仔畀我，今次係真人扮，好得意，見到有少少想喊。」她又笑言自己31歲好老。
強調唔貪靚
問到生日願望，她表示：「身體健康，家人都身體健康，日日都開心。」提到她幫家人做珠寶，會否想自立門戶？她表示：「有諗，我想設計婚嫁系列。（將來會唔會自己設計埋結婚用？）唔會啦，雖說屋企人做呢行，但我唔係貪靚，出街都好少戴啲乜，自己第時結婚想簡單啲。」
來源 source: http://hk.on.cc
|
鍾意就快D Share啦！
|
|
|