被問到男友今晚為何未有同行，魏秋樺透露對方因工作身在深圳。對於外界好奇男友常要在內地工作，會否擔心對方「偷食」或受誘惑，魏秋樺隨即大派定心丸，笑言對男友非常放心：「唔擔心呀，因為老實講，佢有返咁上下年紀，佢以前都玩過夠佢係老火湯嚟，好正經。」她更幽默闢謠外界指男友是「小鮮肉」的傳聞：「佢唔係小鮮肉，佢係老臘肉啦，都有長者卡㗎！」
至於二人會否考慮「拉埋天窗」，魏秋樺則堅定表示不會結婚，並分享了自己的婚姻觀：「我細個嗰陣已經唔鍾意結婚，可能受屋企影響，爸爸媽媽感情唔係咁好。我一直抱住開心就喺埋一齊，唔夾就分開，簡簡單單。同埋我好唔鍾意人哋叫我『咩太太』，我鍾意人哋叫我魏小姐或者魏女士。」她更透露二人目前並未同居，各自保有私人空間，認為保持距離反而讓關係更甜美：「日對夜對反而嗌交多，而家永遠都好似談戀愛拍拖嗰陣咁，更好！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|