「109歲之吻」……點解仲有一種好Pure嘅感覺？
無綫藝員黎耀祥（祥仔）與毛舜筠主演的處境劇《愛．回家之八時入席》昨晚播出52歲黎耀祥壁咚咀57歲毛舜筠一幕，引起網民討論封為「109歲之吻」。黎耀祥在將軍澳電視城開工回應說：「咁咪中到編劇嘅原意，引起大家注意係好事，其實冇鍚嘅，當時借位拍，一埋去已經cut咗機。」
「唔會再咀」
講到網民封為「109歲之吻」有嘲諷兩人年紀之意，黎耀祥說：「冇所謂，娛樂圈嚟，所有嘢都有正反兩面，最驚係大家唔睇啫，對我嚟講有咩未經歷過，好少事啫。自己都好少睇網上評論，希望大家轉載多啲，好壞評論都冇所謂，娛樂圈就係要娛樂大家。」有網民覺得這場戲沒有需要，認為可以拍得含蓄點？黎耀祥則認為：「冇所謂，Gimmick嚟，故仔去到尾聲，編劇覺得要再推進劇情，希望再激啲。」問到還有更激的場面？黎耀祥笑說：「唔會再咀，床戲更加唔會有啦，大家都明嘅。」
明年冇劇開？
《愛．回家之八時入席》收視及口碑也越來越好，但劇集十二月中將煞科，令觀眾覺得可惜，他說：「因為毛姐要去學廚。」講到今年節目巡禮黎耀祥出年竟然沒有新劇推出？
他說：「我攞咗假去做舞台劇到四五月，要六月先開王心慰新劇，故仔仲度緊，因為年中先開，所以擺唔切落去巡禮啫。」
來源 source: http://hk.on.cc
|
鍾意就快D Share啦！
|
|
|
