熱爆娛樂: 【網民hot talk】不忿新租客奸計呃裝修老闆極速清場反撃獲網民力撐 _

2016年11月15日星期二

【網民hot talk】不忿新租客奸計呃裝修老闆極速清場反撃獲網民力撐 __,清場,

其他影片：>>

【新增影片】不少店舖老闆在退租時都會和新租客商討，付款買下部份已有裝修，包括水電設備等。不過「北區」fb群組中有一名網吧老闆表示，網吧要結業退租並會於11月15日下午交場，10日前即11月4日與下一手租客髮廊店東談好，收取3萬元酬金以保留現有裝修，對方亦承諾11月13日付款，惟到當晚髮廊店東竟表示「一個仙都唔會俾」並拒絕付款，叫網吧老闆「有本事就拆哂佢」。網吧老闆大感氣憤，認為對方計好時間令他在11月14日一日內無法趕及拆除裝修，直斥「啲新香港人真係帶埋國內嘅習性嚟香港」，並馬上「開turbo」清場，成功一日內拆走大部份裝修，連地磚亦都拆去。多位網友留言支持網吧老闆，紛紛留下清拆裝修方法及打氣字句，有人更表示會到該網吧幫忙。網吧老闆不斷更新清場情況，例如已拆走電箱、水管等，冷氣機亦已全部送走，並提到和髮廊店東是樓上樓下關係，「見面十年八年，佢一個唔該租咗我個舖，我都唔怪佢」，但對方反口的行為實在令人氣結，連業主亦答允讓網吧老闆「拆到點都得」，因10多年前租用時單位什麼也沒有，電錶亦由網吧老闆自己申請。網吧老闆又指，「本來好來好去，一家便宜兩家著」，因他可以留下3部2匹分體、1部3匹分體冷氣機及一部「窗口機」、電箱等設備給對方，「連櫃台都話留俾佢……我真心估唔到佢伏我囉，最尾一日先話唔俾錢」。他計過「30個電位400蚊個都12,000啦，電箱重做17,000，做電都最少29,000」，相信對方接手時要重要處理水電問題之餘，亦至要進行20多日的裝修工程。他亦提到，「重有樣仆街野，佢重狂叫我拆招牌先好走」，他只反駁對方「業主都冇出聲，你都係二房東分租，我點解要聽你講呢？」【網民點講】

Tenson Chan：誓創最多人清拆室內裝潢記錄

Wong Wingkwong：直播交舖儀式。

赤月善：樓主，如果要人幫手開聲，夜晚放工黎幫拖，冇嘢叻，破壞最叻。保證下手驚喜不斷。

Kelvin Chu：重點係業主唔理，可以點都得

Chiu Mo：打蘭（爛）晒都唔好留比佢

Ho So：聽日幾點交收，好想係現場見證

Ken Tung：樓主可以去買幾桶英泥漿係地面創造山谷

馬玉：最好整到地下一高一底，用唔到即車落唔到卡板

「北區」fb群組截圖，可見連地磚亦已拆去。	「北區」fb群組截圖。	「北區」fb群組截圖。
「北區」fb群組截圖。	「北區」fb群組截圖。	「北區」fb群組截圖。