現年37歲嘅陳文媛(BoBo)於2008年曾經歷陳冠希「閃卡」事件，令其人生陷入低潮，後嚟同金融才俊男友金紫耀共同度過難關，男方一度打本百萬元俾女友開美甲店做老闆娘，兩人感情一日千里，可惜二人最終未能開花結果。《蘋果》收到可靠消息，曾飽受情傷嘅BoBo，終於搵到著落，已結咗婚，正式升呢做人妻，噚晚喺土瓜灣某會所補擺酒筵開22席，據知二人幾個月前，已喺外國行禮結婚。據密友透露，BoBo近年同圈中人幾 ...
現年37歲嘅陳文媛(BoBo)於2008年曾經歷陳冠希「閃卡」事件，令其人生陷入低潮，後嚟同金融才俊男友金紫耀共同度過難關，男方一度打本百萬元俾女友開美甲店做老闆娘，兩人感情一日千里，可惜二人最終未能開花結果。《蘋果》收到可靠消息，曾飽受情傷嘅BoBo，終於搵到著落，已結咗婚，正式升呢做人妻，噚晚喺土瓜灣某會所補擺酒筵開22席，據知二人幾個月前，已喺外國行禮結婚。據密友透露，BoBo近年同圈中人幾乎斷絕來往，希望重過新生活，唔想再畀以前嘅事影響自己生活，可惜同金紫耀分手後，BoBo大受打擊，當時佢身邊啲朋友介紹，希望借助宗教力量，令佢心靈得到救贖。冇耐BoBo識咗0依家個老公，雖然呢個男仔唔係富二代，只係一個好普通好普通嘅人，年紀仲要細過BoBo，不過密友又指呢個男仔人品好好，對BoBo好細心體貼，完全冇介意太太嘅過去，噚晚成班教友為佢哋補辨慶祝派對。此外，今個月中有讀者透過《蘋果》爆相爆片喺韓國一個商場見到BoBo，喺讀者提供嘅片段上，見到BoBo身邊有一個外貌老實嘅男伴，相信呢個就係BoBo嘅老公！讀者又話佢哋當時冇拖手，不過間唔中見到BoBo有攬住佢，又蹺住嗰個男仔。BoBo情路崎嶇，先同陳冠希拍拖，其後遇到才俊金紫耀，視對方為結婚對象，可惜2015年突然爆出分訊，結束10年感情。回復單身之後，BoBo成為細價股股神之稱嘅莊友堅身邊嘅大紅人，更進軍商界搖身一變成為金融公司高級行政人員。雖然Bobo同莊友堅曾傳緋聞，但實情男方身邊有一個拍拖14年嘅女友，對方是維他奶家族後人、即何猷龍太太羅秀茵家姐羅琪茵（Karen），喺2015年10月仲喺意大利羅馬舉行三日婚禮。
