一直努力克服「喪子之痛」嘅藝人劉美娟，今日較早時間出席步行籌款時，自爆一對9歲及8歲的子女先後患上「選擇性不語症」，雖然女兒已康復，但兒子日希的病情卻愈見嚴重。不過樂觀的美娟仍與老公積極面對，並堅強地說：「一路學囉！」
後日（28日）踏入49歲的劉美娟，2001年與歌手張崇德拉埋天窗，婚後4年於2005年2月19日誕下愛情結晶品天藍，可惜出世一日便夭折。大受打擊的美娟未有放棄生兒育女，翌年宣布有喜，並先後誕下二仔張日希及細女張日晴，現在分別9歲及8歲。
成功走出陰霾湊成「好」字的美娟，今日在活動上卻驚爆兩兄妹患有罕見的「選擇性不語症」，她說：「冇公開講過呢件事，呢幾年我同老公好正面去睇，一路學囉！」
囡囡返學唔講嘢
「選擇性不語症」的症狀是不喜歡說話及選擇性說話，美娟透露發現經過是這樣的：「發覺佢哋唔鍾意講嘢，細女依家好番晒，4年前佢真係一句嘢都唔講，同學以為佢啞嘅，當時已經覺得奇怪。佢兩歲已經入錄音室錄兒歌，只係去到學校門口雙手會僵硬、面紅，叫佢叫人就開始想喊。之後老公上美國網買咗本有關『選擇性不語症』嘅書睇，又搵心理教授。」
囝囝學校被恰
4年後美娟幫女兒轉校，女兒即時病愈，她說：「第一日返學已經係咁講嘢。」不過二仔的病情卻愈來愈嚴重，美娟說：「佢講嘢好細聲同怕醜，好多人以為佢唔出聲冇禮貌，直到讀小學帶佢去中大Check，原來佢係高智能，可惜『選擇性不語症』愈嚟愈嚴重，喺學校唔講嘢畀人蝦，蝦佢唔識表達。」
拒服藥控制
樂觀的美娟沒有放棄治療子女，幾年來與老公不停學習，問到囝囝是否要靠藥物控制病情時，她說：「喺英國有小朋友要食藥，但好多人唔贊成，教授話如果我哋好擔憂就食藥，不過我哋冇畀佢食。」由於親友不知一對子女的病況，美娟坦言有壓力：「會覺得佢哋冇禮貌，出嚟唔叫人。當初我都承受好大壓力，人哋會覺得我唔識教，自己亦試過用錯方法鬧佢哋，依家知唔應該鬧佢哋。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
