呢期一眾女士睇新聞同煲劇都睇到咬牙切齒，打開報紙見到林丹偷食、睇電視又見到賤男黃宗澤飛完老婆再撇小三，估唔到英超球壇都湊下熱鬧，曼城嘅英格蘭國腳史東斯原來都係賤精一族！據英國《每日星報》爆料，史東斯今年8月初，喪溝20歲少女Jessica，雖然史東斯已經有一個青梅竹馬、拍拖10年嘅女朋友Millie，但佢就呃Jessica話佢哋已經分手，結果兩人火速撻著，2個星期後已經上埋床，史東斯仲特別租咗間每晚900鎊嘅酒店套房畀佢住，又成日帶佢出去玩，完全唔驚畀人影到。
不過慢慢Jessica發覺唔對路，有時史東斯同人講電話後會講「我愛你」，雖然佢解釋話電話對面係佢阿媽，但已經令Jessica起疑心，10月份史東斯對波砵被發現刻住「Millie」個名，佢又解釋只係「冇時間清除」，最終Jessica搵朋友調查，證實史東斯同Millie仍然一齊，佢先知自己做咗「小三」，所以即時斬纜。Jessica向傳媒爆料嗰陣，仲公開埋兩人嘅對話，以及史東斯傳畀佢嘅影片，Jessica最後炮轟：「佢用盡所有大話去掩飾，佢係我遇過最賤格嘅人！」
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
