掃呢頁CODE去手機

2016年11月2日 星期三

【獨家】風采依然!楚原83歲生日「去滾」 南紅恩愛相隨 __,楚原,南紅,

楚原叔喺演藝界都有咁上下地位,今日就係楚原叔嘅83嘅生日,噚晚佢就喺6點左右,去到天文台道8號,同老婆南紅加埋兩個女性友人,坐的士去到現場,見楚原叔好精神,撐住枴杖,一支箭咁行,完全毋須攙扶。楚原步速快,南紅就慢條斯理行,相映成趣。楚原叔到咗之後,賓客都開始到場,丁羽、黎海珊、元斌、狄龍、余安安、盧宛茵、王晶、雪妮姐等等,一到咗大家就去同楚原叔打招呼同傾偈,之後大家就坐低等開席。現場擺咗6圍,用隔 ...




其他影片:>>






楚原叔喺演藝界都有咁上下地位,今日就係楚原叔嘅83嘅生日,噚晚佢就喺6點左右,去到天文台道8號,同老婆南紅加埋兩個女性友人,坐的士去到現場,見楚原叔好精神,撐住枴杖,一支箭咁行,完全毋須攙扶。楚原步速快,南紅就慢條斯理行,相映成趣。楚原叔到咗之後,賓客都開始到場,丁羽、黎海珊、元斌、狄龍、余安安、盧宛茵、王晶、雪妮姐等等,一到咗大家就去同楚原叔打招呼同傾偈,之後大家就坐低等開席。現場擺咗6圍,用隔板隔開咗,好似包廂咁,就發現呢個壽宴同一般嘅壽宴唔同,唔係一個個小菜上,而係打邊爐。去到飲宴中段,大家又一齊睇楚原叔嘅生活片段,雪妮姐仲煙癮起,就即場攞咗支煙出嚟食。去到9點半左右,楚原叔就由太太陪同下,落到由一個朋友車楚原叔離開,之後賓客都陸續離開。

(採訪、攝影:畢紹基、羅德光) 楚原叔精神好好 雪妮姐唞一唞氣先…
大合照入面,有唔少《卡拉屋企》嘅演員,包括劇中老婆盧宛茵(藍圈)同囡囡黎海珊(紅圈)。 王晶
夫唱婦隨 南紅姐咁多年都保養得宜 席上仲播番去年楚原叔壽宴嘅精采片段。

來源 source: http://s.nextmedia.com
鍾意就快D Share啦!