65歲嘅大劉劉鑾雄，於上周五(18日)入紙娶37歲記者出身嘅甘比(陳凱韻)，原來佢哋嘅緣份乃始於一粒「痣」。冇錯，大劉同甘比嘅係情定於大劉臉上嘅一粒痣。是咁的，當年甘比仍是《蘋果》時，甘比被上司委派專責採訪大劉嘅新聞，某日甘比收到公司嘅安排到戲院追訪大劉，佢哋第一次嘅邂逅就係戲院。相信大家仍記得，一向霸氣嘅大劉，就試過有線女記者不慎用咪牌扑中大劉塊面，十級震怒嘅大劉狂搖支咪三下，怒吼：「黐線嘅！你知唔知你整到我塊面，黐線嘅！」之但係原來，大劉都有好柔情嘅一面，當日大劉睇完戲離開戲院，甘比就一直係戲院門外等候，見到大劉出嚟，甘比完完全唔知驚，仲用手篤大劉面上粒痣，問佢：「係咪真㗎？」結果，大劉被甘比嘅儍氣吸引，覺得佢好得意好可愛，不但和顏悅色接受訪問，仲要有問必答做順得人，自此對甘比留下深刻印象。
來源 source: http://s.nextmedia.com
|
鍾意就快D Share啦！
|
|
|
