《都市閒情》前主持 盧念國中風猝逝
《都市閒情》前主持鄺佐輝去年12月因癌症逝世，想不到未夠一年，另一位《都市》前主持盧念國，亦於前日因腦中風於廣華醫院病逝，終年57歲。人稱盧盧的盧念國早年患有腎病，其昔日《都市》拍檔陳寶儀和楊瑞麟等均為他的離世深感難過，楊瑞麟更感慨說：「真係幾欷歔，人嘅生命真係好脆弱。」
【1959－2016】
■《都市閒情》前主持盧念國本周一突然腦中風送院急救，延至前日不治，終年57歲。
■不少紅星曾接受盧念國主持的《都市閒情》訪問，葉玉卿便是其中之一。電視圖片
■鄭嘉穎早年接受盧念國訪問時仍十分青澀。電視圖片
曾為無綫主持《婦女新姿》及《都市閒情》逾十多年的盧念國，本周一突然腦中風被送往廣華醫院急救，可惜延至前日早上6時終告不治，終年57歲。
盧念國早年患腎病，體重急跌，昔日好拍檔兼好友的《都市閒情》前主持陳寶儀昨透露曾與余文詩和楊瑞麟等舊拍檔趕往醫院探望，她昨在電話中說：「佢星期一夜晚同朋友食完飯後出事，星期二我收到楊瑞麟通知，跟住收到余文詩短訊，我即刻仆出去（醫院），已經話佢情況唔樂觀。去到有一班舊同事同朋友，嗰陣時佢已經昏迷冇反應，大家都喺佢耳邊傾偈，安慰佢，希望佢加油。到星期三，我再收到余文詩短訊，話佢啲屋企人喺晒度，到第二日我一起身就收到佢星期四早上6點幾走咗。」
■陳寶儀視盧念國為摯友，對他的離世感到不捨和難過。資料圖片
■楊瑞麟對盧念國逝世深感可惜，慨嘆生命十分脆弱。資料圖片
■鍾淑慧當年客串做《都市》主持，大讚盧念國為人正面。資料圖片
陳寶儀讚記性好陳寶儀指年前有跟盧念國食飯見面，當時他已因腎病體重急跌，但依舊談笑風生，反應甚快。對於好友離世，陳寶儀深感難過：「好唔開心，因為佢係我個女（羅苡之）嘅補習老師，當年我個女讀小學請補習先生，但冇一個敢教佢，因為女拔萃啲嘢實在handle唔到，跟住盧念國問我個女讀幾年班，我唔知話2年班定3年班，跟住佢話我教佢啦，我問佢教邊科，佢話邊科都得。盧念國好嚴好惡，教到我個女非常之好，一教就教到小學畢業，佢中英數都好，同埋佢記性好到唔可以相信！」陳寶儀透露盧念國還未結婚，有父母及一個弟弟，由於盧念國是天主教徒，深相喪禮會採天主教儀式。
■陳寶儀與羅樂林的女兒羅苡之（左）是盧念國的補習學生。資料圖片
楊瑞麟感到欷歔盧念國生前另一好友余文詩昨指盧念國是在巴士上暈倒被送院，她亦到醫院探望過，但當時盧念國已昏迷，問可知對方遺願？她說：「唔清楚，但大家好放得開，隨遇而安，約會時都係傾吓近況，講吓旅行去邊，我諗佢同我一樣都冇做嘢，大家都退咗休。」余文詩大讚盧念國為人風趣幽默，是知識分子，更曾在《東華》的卡拉之星表演唱歌。
曾趕到醫院見盧念國最後一面的楊瑞麟昨感慨說：「佢為人好低調、好幽默，佢走咗梗係好可惜啦，真係幾欷歔，人嘅生命真係好脆弱。」90年代曾與盧念國主持《都市》的鍾淑慧昨亦說：「佢好正氣同注重健康嘅一個人，聽到呢個消息都好驚訝，希望佢屋企人唔好太過傷心。」
採訪：魯吉
|
鍾意就快D Share啦！
|
|
|
