熱爆娛樂: 【獨家】戰車被警車前後包抄余文樂唔拎「牛肉乾」就上車走 _

2016年11月5日星期六

【獨家】戰車被警車前後包抄余文樂唔拎「牛肉乾」就上車走 __,余文樂,

其他影片：>>

萬聖節嘅中環，除咗一街都係應節嘅市民之外，當然唔少得警察啦，當日6點幾警方就已經放咗好多警車喺中環擺花街，一排警車咁泊好，不過喺中間，就有一部保時捷喺車隊中間，而部車，仲要係余文樂o架喎。當日6點左右《蘋果》發現擺花街見到余文樂嘅戰車，嗰個位原本就係巴士站，不過因為萬聖節關係就停用咗，余文樂就將車泊咗喺嗰個位，過咗一陣，警方開始封路，將啲警車泊喺余文樂部車嘅前後，而余文樂就喺一間飾品舖。警方曾經響過警號，余文樂就只係望咗一望，反而舖頭嘅經理就出咗嚟同警察講咗幾句，再過咗陣就有警察嚟到，抄咗余文樂牌。過咗十分鐘之後，余文樂就喺舖頭出嚟，牌就畀人抄咗，但余文樂望都冇望過張罰單，都冇拎走張罰單就開車走。男人睇飾品，仲要買完就連「牛肉乾」都唔拎開車走，一向都話自己單身嘅余文樂，會唔會係買嚟送畀女性朋友呢？不過男人自己買飾品，都可以自己用嘅，大家都唔好諗咁多。

余文樂望都冇望過張「牛肉乾」，有點霸氣。	警察呢個車陣，中間夾住樂仔部戰車。	佢人就喺舖頭睇飾物。
		樂仔買完嘢，先出嚟開車走。