熱爆娛樂: 【三級女星做靚靚人妻】「天使三部曲」徐若瑄生埋仔翁虹成一女之母 _

2016年11月6日星期日

【三級女星做靚靚人妻】「天使三部曲」徐若瑄生埋仔翁虹成一女之母 __,靚靚,翁虹,徐若瑄,袁詠儀,

其他影片：>>

鍾淑慧同老公吳岱融因為一套三級片結緣，佢自從11年前結婚之後，就淡出娛圈相夫教子，最近仲受老公翻紅帶挈，喺馬來西亞做美容產品代言人，由三級女星做靚靚人妻，而娛圈入面，都有人同佢一樣成功轉型。徐若瑄

台灣女星徐若瑄以少女組合出道，喺90年代轉型喺香港拍過「天使三部曲」，包括《赤裸天使》、《魔鬼天使》同《終極獵殺》，全部都係三級片。之後佢就返咗台灣發展，前年嫁給新加坡上市公司CEO李雲峰，上年8月仲為對方咗寶貝仔「李V寶」。舒淇

舒淇曾經喺台灣為成人雜誌拍全裸寫真，之後就俾導演王晶睇中，拍咗第一套三級片《玉蒲團之玉女心經》，不過好快佢就脫離三級女星之列，又參與過好多大製作。今年9月，舒淇仲同拍拖多年嘅馮德倫，拍拍下戲突然請假結婚，相當驚喜。翁虹

89年亞姐冠軍，一當選就被亞視力捧拍唔少電視劇，但轉頭翁虹就走咗去拍三級片，經典之作就有任達華做男主角嘅《擋不住的瘋情》同《滿清十大酷刑》，結果就遭亞視棄用。翁虹07年以與美籍台灣人劉冠廷再婚，婚後育有一女，現居美國。李麗珍

珍妹形象百變，做過一代玉女，亦試過係一代肉女，可以喺《大時代》中演性格剛烈嘅方婷，又可以跳出框框影兩輯露毛寫真。珍妹亦參與過三級片《蜜桃成熟時》同《不扣鈕的女孩》等。

	徐若瑄試過進軍日本。	佢當年呢副娃娃臉，吸引咗好多人。
舒淇第一套戲，就係拍王晶嘅三級片。	翁虹擺脫亞姐身份，同華哥拍《擋不住的瘋情》。
珍妹都有唔少三級片，好似呢套《不扣鈕的女孩》。