胡定欣嗰啲關心真係出晒嚟！
視后胡定欣現身好姊妹胡杏兒生日派對，對於拍攝無綫新劇《同盟》期間，被指與緋聞男友陳展鵬拍攝打戲時，誤扯甩對方耳環，令其受傷流血要送院縫六針，但及後亦有傳事件因由不關定欣事，問到意外來龍去脈，定欣謂：「總之冇事（係咪你整傷佢？）其實都唔知，當時好混亂，地方又暗，拍打戲都唔想任何人受傷，希望佢快啲好番（係咪願意做阿四服侍展鵬？）斟茶遞水冇問題，請食飯（之後打戲錫住佢？）其實每日開工，面對每場打戲都會盡量小心，真係唔想打傷到大家，有時一拍就忘我，都唔想有人受傷，所以開工時都會同姚子羚、陳山聰佢哋互相提點。（再拍打戲有壓力？）大家唔好將呢場嘢變咗影響，做足防護措施。」
拍打戲有壓力
談到山聰亦呼籲大家不要專注她弄傷展鵬，此舉會令她感壓力，定欣對此謂：「都係嘅，大家都小心啲啦，後日（明天）佢應該開工，（咁展鵬受傷係咪好心痛？）真係拍打戲，有時會寧願自己受傷都唔想對手受傷，大家都會好擔心，之前我都扭親腳，個個都擔心，邊方面都唔好受，惟有小心啲（會唔會再拜神？）都唔關事嘅，之前都拜咗。」
催杏兒生B
對於杏兒生日，定欣表示湊巧通告有變不用開工，故特別來為好姊妹慶祝，笑指自己便是禮物，所以才兩手空空到來，問到會否催對方生B？定欣謂：「會，不過佢都會好努力，希望下年會聽到好消息」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
