影帝劉青雲話齋：「做人冇公關，食屎架」新加坡富商林榮福，自從入主西甲球隊華倫西亞做班主後，一直都贏唔到球迷歡心，上季無端端走去搵老死加利尼維利執教，搞到華倫西亞暴動咁滯。呢支西甲老牌球隊今季成績持續不振，啱啱場聯賽主場只係同CF格蘭納達打和後，大批球迷怒轟林榮福對球會漠不關心，要求佢盡快下台。
就喺呢個時候，以往多次入場睇波嘅林榮福囡囡林慧俐就忍唔住，公開同球迷喺社交網「駁火」，林慧俐留咗篇長文反駁球迷，但用字就非常具攻擊性，佢叫鬧自己嘅球迷係「死蠢」、叫佢哋「掔開隻眼兼用下個腦」、又話「你哋(球迷)愈火滾，我就愈開心」，最後仲寸爆回應：「你哋想我哋離開華倫西亞，但事實我哋仲係老細，哈哈哈！」
靚女林慧俐本來好受大眾歡迎，佢為護膚品品牌做代言人嘅廣告更加係驚為天人，不過今次爆出關公災難就隨時英名一朝喪。球迷向來係球會嘅米飯班主，林慧俐今次同佢哋鬧得咁激，睇怕都幾難收科！
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
