最近城中熱話就係呂麗君、甘比、大劉劉鑾雄呢段昔日嘅三角關係。件事最終仲有更戲劇性嘅發展……今日《蘋果》獨家影到大劉同甘比已經申請註冊結婚，原來佢哋喺11月18日入紙，即係甘比好快就做劉太，成件事認真峰迴路轉!!!一切由周二(15日)大劉劉鑾雄發聲明，指自己喺2014年同呂麗君斷絕關係開始，連日雙方各自隔空出招，首先係呂麗君獨家回應《蘋果》，指「看到你(劉鑾雄)這麼辛苦，我們的心極痛」。大劉其後做專訪，指摘呂麗君「貪得無厭」，輪到呂麗君「反撃」喺回應中sell溫情，以「老公」稱呼大劉，強調一家和睦。同時又喺慈善基金發聲明，指「大劉是家庭支柱」(新聞連結： http://bit.ly/2gsdWDx)，點知「休戰」幾日，呂麗君噚日又再度向媒體發出聲明，稱唔會向大劉提出法律訴訟﹛(新聞連結：http://bit.ly/2gfRYkq)，又指事實婚姻喺香港唔適用，而呂麗君亦表示冇婚姻締約，「伴侶權益與離婚配偶權益有分別」，但聲明就似乎暗示隨時有變數，皆因聲明稱「若法庭干預，法庭必會維護子女最佳利益」。最終由甘比成為劉太!
來源 source: http://s.nextmedia.com
|
鍾意就快D Share啦！
|
|
|
