掃呢頁CODE去手機

2016年11月22日 星期二

【獨家直擊】最後一次拍拖》袁偉豪反口悔婚 岑杏賢難忍男友多女埋身 __,袁偉豪,岑杏賢,



其他影片:>>






袁偉豪同女友岑杏賢,昈晚在毫無先兆下,突然分別在社交網站公佈分訊,真係嚇到好多人個心離一離!佢哋明明好哋哋,壹仔喺十六日前,即係十一月五號,仲撞到佢哋兩個好恩愛咁喺圓方拍拖,點會估到佢哋會甩拖。佢哋兩個先喺HMV睇碟,不過主要都係岑杏賢負責揀,咁又係嘅袁偉豪已家俾大台力捧緊劇接劇,仲邊有時間睇碟!揀完一大堆碟,最後係由岑杏賢負責埋單,袁偉豪淨係負摃攞住。跟住佢哋去咗餐廳醫肚,見佢哋全程都食得好開心 ...


袁偉豪同女友岑杏賢,昈晚在毫無先兆下,突然分別在社交網站公佈分訊,真係嚇到好多人個心離一離!佢哋明明好哋哋,壹仔喺十六日前,即係十一月五號,仲撞到佢哋兩個好恩愛咁喺圓方拍拖,點會估到佢哋會甩拖。

佢哋兩個先喺HMV睇碟,不過主要都係岑杏賢負責揀,咁又係嘅袁偉豪已家俾大台力捧緊劇接劇,仲邊有時間睇碟!揀完一大堆碟,最後係由岑杏賢負責埋單,袁偉豪淨係負摃攞住。

跟住佢哋去咗餐廳醫肚,見佢哋全程都食得好開心,有講有笑咁,真係睇唔出佢哋好似分手聲明𥚃面咁講:「數月來多次的離合讓雙方承受着一定程度的痛苦!」

不過,有佢哋嘅身邊人話,今次分手最大原因係袁偉豪之前對女友嘅承諾,全部都兌現唔到,原本佢哋Plan咗兩年內一定結婚,點知有人話已家事業先有起色,結婚嘅嘢唔好再講住。

同埋自從《城寨英雄》爆紅,袁偉豪忽然間多咗狂蜂浪蝶埋身,呢啲嘢都令到岑杏賢好唔舒服。

但係岑杏賢最頂唔順,係近半年男友態度變咗好多,好似過晒熱戀期咁,所以佢覺得再咁落去都唔係辨法,先下定決心同袁偉豪攤牌分手。


來源 source: http://s.nextmedia.com
鍾意就快D Share啦!