掃呢頁CODE去手機

2016年11月5日 星期六

【獨家】戰車被警車前後包抄 余文樂唔拎「牛肉乾」就上車走 __,余文樂,

萬聖節嘅中環,除咗一街都係應節嘅市民之外,當然唔少得警察啦,當日6點幾警方就已經放咗好多警車喺中環擺花街,一排警車咁泊好,不過喺中間,就有一部保時捷喺車隊中間,而部車,仲要係余文樂o架喎。當日6點左右《蘋果》發現擺花街見到余文樂嘅戰車,嗰個位原本就係巴士站,不過因為萬聖節關係就停用咗,余文樂就將車泊咗喺嗰個位,過咗一陣,警方開始封路,將啲警車泊喺余文樂部車嘅前後,而余文樂就喺一間飾品舖。警方曾經響 ...




其他影片:>>






萬聖節嘅中環,除咗一街都係應節嘅市民之外,當然唔少得警察啦,當日6點幾警方就已經放咗好多警車喺中環擺花街,一排警車咁泊好,不過喺中間,就有一部保時捷喺車隊中間,而部車,仲要係余文樂o架喎。當日6點左右《蘋果》發現擺花街見到余文樂嘅戰車,嗰個位原本就係巴士站,不過因為萬聖節關係就停用咗,余文樂就將車泊咗喺嗰個位,過咗一陣,警方開始封路,將啲警車泊喺余文樂部車嘅前後,而余文樂就喺一間飾品舖。警方曾經響過警號,余文樂就只係望咗一望,反而舖頭嘅經理就出咗嚟同警察講咗幾句,再過咗陣就有警察嚟到,抄咗余文樂牌。過咗十分鐘之後,余文樂就喺舖頭出嚟,牌就畀人抄咗,但余文樂望都冇望過張罰單,都冇拎走張罰單就開車走。男人睇飾品,仲要買完就連「牛肉乾」都唔拎開車走, 一向都話自己單身嘅余文樂,會唔會係買嚟送畀女性朋友呢?不過男人自己買飾品,都可以自己用嘅,大家都唔好諗咁多。

余文樂望都冇望過張「牛肉乾」,有點霸氣。 警察呢個車陣,中間夾住樂仔部戰車。 佢人就喺舖頭睇飾物。
樂仔買完嘢,先出嚟開車走。

來源 source: http://s.nextmedia.com
鍾意就快D Share啦!