第三者的罪名，唔係個個人都可以承受，好似今年26歲嘅龔嘉欣，先被指係楊明同莊思明嘅第三者後，再被爆係「偽毒坤」吳業坤同港姐王卓淇嘅第三者，佢接受周刊專訪時就講明，呢啲第三者罪名，佢唔會再啞忍，因為已經觸及佢嘅底線。今日有周刊報道，龔嘉欣近來被指介入莊思明同王卓淇呢兩單戀情，出道多年嘅佢，以往會覺得呢啲負面新聞，總會過去，但係一連兩次俾人話做第三者，佢真係忍無可忍，要爆喇！佢喺專訪到咁講，原來呢啲新聞真係會影響到一個女仔嘅聲譽，就已經觸及到佢嘅底線。嘉欣話自己都有家人，尤其年事已高嘅爺爺嫲嫲，佢哋睇到呢啲新聞會點，身邊人見到佢哋又會唔會講一啲難聽嘅說話，令佢好擔心。嘉欣話自從楊明事件之後( 新聞連結：http://bit.ly/2deRWai )，佢都已經體會到，需要回答一啲正經嘅話題，唔應該用嘻哈嘅態度，呢個令佢上咗一課，但感恩嘅係佢最終能夠保護到朋友嘅婚禮。至於王卓淇，嘉欣就真係嬲豬喇！( 新聞連結：http://bit.ly/2e0zfaP)佢話當一個完全唔識嘅人，竟然公開批評，佢覺得真係好唔公平，亦令佢百思不得其解，但佢選擇咗沉默，因為佢唔想再俾機會任何人去製造新聞去攻擊佢。嘉欣都話有同坤哥講過，唔好再攞佢哋關係嚟講笑，因為真係會影響一個女仔嘅聲譽，好彩，最後坤哥都講咗真相，還佢一個清白。(新聞連結：http://bit.ly/2doDAXi)經歷過一連串嘅負面新聞，嘉欣就話以後會注意一吓與男演員嘅言行，唔想再有緋聞。
|
鍾意就快D Share啦！
|
|
|
