喺《幕後玩家》中，被指係全套劇唯一好人嘅陸永，飾演黃翠如同陳煒個細佬，上個禮拜嘅劇情，戲份開始集中喺陸永身上。一直做緊廢青同二世祖嘅陸永，上個禮拜終於去咗老竇間復生集團公司返工，經過一輪磨練後，終於叫做有啲成績，仲俾老竇讚佢表現。事業開始有起色，愛情亦有突破，佢同16歲就生咗仔嘅糖妹，由鬥氣寃家發展成情侶，前途一片光明，點知……(以下含劇透)
！！劇透！！
！！劇透！！
！！劇透！！
！！劇透！！
！！劇透！！
！！劇透！！
！！劇透！！
！！劇透！！
！！劇透！！
！！劇透！！
！！劇透！！編劇要你滅亡，必先要你瘋狂，上個禮拜俾咗啲甜頭陸永，目的係要佢喺呢個禮拜死得轟轟烈烈。上個禮拜《幕》劇情講到陸永牽涉入一樁縱火案同搞o靚模事件，被記者追訪，其實成件事嘅幕後主腦，就係利慾薰心、拋妻棄女嘅Bosco搞出嚟。喺嚟緊呢集，陸永就因為不堪壓力而自殺。對於俾奸人所害，陸永喺電話中就笑笑口話：「係呀，嚟緊呢集我死得好慘㗎！不過我死咗，劇情會仲精采啲，所以我死得好有價值㗎！」
來源 source: http://s.nextmedia.com
|
鍾意就快D Share啦！
|
|
|