嗚嗚～香香要嫁人了！
宅男女神岑麗香在網上宣布將男友強強升呢未婚夫，香香接受東網電話訪問時，語氣難掩興奮之情，她表示將於12月中在溫哥華舉行婚禮，以簡單為主，會邀請親朋好友出席，而圈中一班好姊妹正努力為香香度期中。
今年2月已訂婚
香香表示公布婚訊後心情緊張又興奮，透露今年2月獲男友正式求婚，其後訂婚：「依家要籌備嘅嘢好多，之前通知咗公司，公司都知。（幾時認定強強係Mr.Right？）拍拖一年後已認定，公布咗（婚訊）都輕鬆晒，唔使再守秘密。之前都有訂婚戒指，出街唔戴得，瞓醒要除，有朋友嚟又要除，好似好偷偷摸摸咁，依家就舒服晒！因為有啲不實報道，有啲仲話我大肚𠻹！要澄清唔係有BB，我唔急住生BB，之前拍拖都係遠距離，希望婚後可以二人世界先，可能先養隻狗仔。（婚後會否息影？）唔會，一定要做嘢，我太鍾意呢份工，另一半都好支持。（你同強強成日要分隔兩地？）討論緊，可能有啲安排。」
開腔暢談求婚過程
講到未婚夫強強，香香對他讚不絕口。問到對方為何可以打動到她？香香說：「之前我一直同神講想遇到Mr.Right，遇到佢之後就感覺到係佢，唔使再選擇。（求婚過程係點樣？）浪漫得嚟好簡單，當時我都好快Say Yes！我自己鍾意簡單，係喺一個教堂，對方父母有在場見證。（強強有咩優點？）孝順父母，好錫屋企人同我，覺得咁錫家人嘅人將來都會好錫老婆。」
婚後繼續工作
講到工作方面，她透露之前參演的劇集《老表，畢業喇！》只是客串性質，有關她的戲分亦已拍攝完畢，而婚後她將會返港出席倒數活動。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
