掃呢頁CODE去手機

2016年12月7日 星期三

【18年來未經滋潤的濕地】白姐姐自揭房事 謝偉俊為風水婚姻娶白韻琹? __,白韻琹,白姐姐,謝偉俊,

現年57歲嘅謝偉俊(Paul),97年於拉斯維加斯秘娶比佢年長15年嘅白韻琹(白姐姐),佢哋由相戀到結婚,其實一直不被外界睇好,而妙就妙在,呢單婚訊,係喺09年謝偉俊被揭同青島女子徐程程「挑情電郵」事件,謝偉俊帶白姐姐去澳洲箍煲時,自爆呢單係「風水婚姻」,白姐姐仲因為被激到嬲嬲豬。謝偉俊同白姐姐一齊期間多次離合,但每次都「有驚無險」。數番手指,佢哋喺89年因為一單官司邂逅,相差15年嘅兩人發展忘年 ...




其他影片:>>






現年57歲嘅謝偉俊(Paul),97年於拉斯維加斯秘娶比佢年長15年嘅白韻琹(白姐姐),佢哋由相戀到結婚,其實一直不被外界睇好,而妙就妙在,呢單婚訊,係喺09年謝偉俊被揭同青島女子徐程程「挑情電郵」事件,謝偉俊帶白姐姐去澳洲箍煲時,自爆呢單係「風水婚姻」,白姐姐仲因為被激到嬲嬲豬。謝偉俊同白姐姐一齊期間多次離合,但每次都「有驚無險」。數番手指,佢哋喺89年因為一單官司邂逅,相差15年嘅兩人發展忘年戀,直至96年,白姐姐公開訴苦,話男友冇送花兼玩失蹤,之後更發現謝偉俊同黃玉郎去夜總會消遣,白姐姐宣佈分手,但之後復合。白姐姐又不時自揭私房事,佢喺08年曾喺活動中公開表示自己係「18年來未經滋潤的濕地」,又以「守株待兔」嚟形容自己嘅性生活,仲暗示同謝偉俊久無性生活。謝偉俊先後喺01同09年被發現與女子有染,當中謝偉俊指09年發生嘅「挑情電郵」事件,係白姐姐自編自導自演,其後白姐姐開記者會否認分手,並承認同謝偉俊早已註冊結婚,其後謝偉俊被發現帶白姐姐去澳洲旅行箍煲過復活節,點知就係喺佢哋旅行期間,遇到追訪嘅記者,謝偉俊指呢段係「風水婚姻」,激嬲白姐姐。睇番報道,話謝偉俊信風水命理,更跟過李居明同林國雄學師,鍾意喺自己office擺風水陣,佢問過唔止一位風水命理師算過八字,大家都話佢夫妻宮好特別,要搵過命格夠硬淨嘅先做得成夫妻,咁啱白姐姐就係嗰個人,命格勁fit謝偉俊,所以佢哋兩個係打風都打唔甩。而的確謝偉俊喺搭上白姐姐後,順風順水,雖然中間曾經經歷過因為大賣廣告及拍裸照自我宣傳,被律師會紀律審裁組裁定違反專業操守八項指控成立,判罰停牌及罰款(新聞連結: http://bit.ly/2h0Nb6U ),但係佢其後順利進入立法會做議員,踩入政界,外氣大升。講起謝偉俊參政,其實白姐姐一直都好撐,次次都落埋區幫老公拉票,嗌晒咪咁,今年年初曾經傳出白姐姐患上腦退化症,但佢否認,早前立法會選舉時,見佢照舊為老公四出拉票,見佢仲咁精靈,應該冇乜事嘅……

白姐姐和謝偉俊不時晒恩愛 00年,謝偉俊以「法律超人」形象拍廣告,女友白姐姐陪埋佢一齊做超人招牌動作。
謝偉俊喺00年上門要求民建聯停止支持程介南參選,白姐姐跟隨男友表達意見。 白姐姐喺01年3月,因呼吸困難,於深夜電召白車入院,佢話入院同當時謝偉俊被律師會指其言行違反專業操守遭控有關。 00年7月,白姐姐於遭稅局追討欠稅,更搞到上法庭,於是佢喺稅務大樓絕食抗議,原定7日嘅行動,到第5日便因佢血糖及血壓過低暈倒送院而終止。

來源 source: http://s.nextmedia.com
鍾意就快D Share啦!