《致命復活》噚晚大咗結局喇，兩個鐘頭嘅特長版，頭一個鐘就講黃德斌係最後大佬，最後仲為咗萬綺雯自殺，但仲有一個鐘咁長，BBQ都燒唔到一個鐘啦，原因就係萬綺雯仲有一個秘密。原本郭晉安同萬綺雯復合，同囝囝子聰嘅關係又好番，幸福嘅生活出現喇，不過睇開無綫嘅朋友都知，仲有一個鐘咁長，幸福之後一定會出事嘅，有一晚郭晉安走咗出去，萬綺雯都走埋出去，仲話自己有一個10年嘅秘密。過咗一陣喺越南嘅修女就嚟到香港，秘密要揭開喇。修女喺唔覺意嘅情況下，爆咗畀郭晉安知，原來萬綺雯、曾偉權、黃德斌一早就識。萬綺雯好擔心郭晉安發現之後會出事，所以留低兩段錄音，解釋咁多集嘅劇情，簡單講就係佢同曾偉權講話想陳庭欣消失，即係話成件事萬綺雯一早就知，佢怕郭晉安接受唔到，所以靜俏俏咁離開咗。之後郭晉安就去咗越南搵萬綺雯，最後成功搵到，攬埋一齊，完……真係完？喺完咗字幕之後，閃咗一幕係郭晉安仲喺山洞入面，意思係一場夢？觀眾睇咗一場發咗27集嘅夢？無綫果然唔會令大家失望！
來源 source: http://s.nextmedia.com
|
鍾意就快D Share啦！
|
|
|
