原來香香嘅暱稱係蕉蕉。
岑麗香同老公強強今日喺溫哥華舉行婚禮，去教堂行完禮之後，又要趕住去酒店預備婚宴啲嘢，真係忙過不停，啱啱香香同強強終有時間停低一陣接受訪問，心情興奮的香香開腔表示：「今日同變成老公嘅強強結婚，多謝大家祝福，婚後都會去一個短Trip，其實之前有做過婚前輔導，牧師同朋友話Plan一個Wedding好大壓力同好忙，所以我哋會去一個Short Trip之後再Plan蜜月，但之後都快返香港開工。」香香透露今次婚禮賓客大部份是家人、教會朋友、由細玩到大的朋友，以及幾位香港朋友，不少家人也專程從澳洲、美國等地飛過來，故期待一個開心及好玩的派對。
談到剛才在教堂行禮的情況，香香謂：「我哋都係基督徒，好想喺教堂行禮，同埋Private少少，淨係請屋企人，同教會朋友等，大約請咗300人。」而作為新郎哥的強強，面對鏡頭非常緊張，被問到香香有何優點，強強謂：「太多嘢，都講唔晒！」在旁的香香即着他表演廣東話，強強即笑到瞇晒眼，香香又化身記者問強強：「我係咪好好？」強強秒速回應：「好好好！」香香又冧爆回應：「你都好好！」去到尾聲問吓強強平時係點叫香香呢？Honey？Baby？強強諗咗一陣就話都係叫香香。依家結咗婚變咗兩夫婦稱呼又會唔會有變呢？強強諗都冇諗就直答：「我喺屋企叫佢做『蕉蕉』。」香+蕉咪即係香蕉囉？唔通佢哋好鍾意食香蕉？
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
