藍潔瑛多年嚟備受情緒、精神困擾，病情反覆影響工作，導致佢缺乏收入並喺零五年申請破產，早幾年更有傳佢發現子宮生瘤，令佢生活雪上加霜。
藍潔瑛而家住公屋靠綜援，生活潦倒到行過麥記都只係睇下有無人食淨嘢，無就拎杯水坐低扯枝煙，相信呢一枝煙嘅時間，係佢精神最放鬆嘅時候。
講起藍潔瑛精神問題嘅起因，外間大致有幾種講法，例如佢曾經自爆喺入行之初被兩個影壇大佬強姦；亦曾有雜誌指佢拍完《大時代》抽離唔多角色，所以情緒大起大落； 但對藍潔瑛精神問題影響最大嘅，應該離不開一個「情」字，特別係喺教會識嘅加籍男友，事關佢本來打算喺零一年同呢個男友去加拿大結婚，可惜到零三年嘅時候，男友怕咗藍潔瑛情緒大起大落，不辭而別。
來源 source: http://s.nextmedia.com
|
鍾意就快D Share啦！
|
|
|
