【新增回應】噚晚無綫《萬千星輝頒獎典禮2016》，學人潮玩定格挑戰，又擺情侶檔好似翠如BB同蕭正楠、唐詩詠同洪永城上枱，自嘲吓、互嘲吓等大家笑吓，有冇新鮮感就見仁見智啦，不過基本嘢就肯定未做足囉！事緣喺噚晚頒獎禮，甘草演員周驄叔奪得全晚第一個獎項「萬千光輝演藝人大獎」。今年85歲嘅周驄叔，拍咗大半生電視劇，由曾江同胡楓手中奪得大獎，理應值得安慰，點知周驄叔喺台上講感言時，台下位手足就不斷做打圈手勢，示意周驄叔講快啲，結果講到一半，周驄叔就話：「得，我唔講啦，多謝各位！」大台嘅廣告，秒秒鐘幾萬蚊上落，催藝人快啲講完司空見慣，可惜噚晚頒獎禮，連對藝人最基本尊重都……，當周驄叔上台嗰陣，字幕顯示佢個名變成「周聰」，即係將「馬」字部首變成「耳」字部首！樂觀啲諗，好彩都叫做係同音字，唔係打咗「周中」或者「周融」咁囉！《蘋果》今日打俾周驄叔，問佢個名寫法時，佢笑住話：「係馬字邊，我呢啲small potatoes，邊有人會記得清楚吖！」記者講到好多人覺得無綫寫錯佢名覺得唔尊重佢，周驄叔就猛話：「我唔知，我唔知。」而講到無綫冇俾足夠時間佢講嘢，佢繼續話：「我唔知，我真係唔知，唔好意思！」
| 講嘢俾人圈，仲要連個名都錯…(電視截圖) | | |
| | |
來源 source: http://s.nextmedia.com
|
鍾意就快D Share啦！
|
|
|
