明年拍內地真人騷 之之透半球：我冇底線
■關之琳罕有性感示人，酥胸半露，極具誘惑。
千億新抱徐子淇、大美人關之琳、何超瓊、薛芷倫及林心兒等前晚在灣仔演藝學院出席籌款晚宴。日前34歲生日的子淇及現年54歲的之之最搶鏡，子淇穿上中門大開設計的粉紅色連身裙，而之之則出動透視裝，大晒東西半球。
之之罕有性感示人，她笑言是被Moiselle太子爺陳柏熹所迫：「我都接受到，有時都可以性感啲。」之之表示臨近聖誕，除了香港公司業務及做運動，還要返內地做宣傳，又要拍廣告和剪綵。問到之之是否跟台灣富商陳泰銘離婚後令心態改變？她說：「咁又唔會，我唔會變，不過工作開始咗停唔到，人活躍啲，未必唔係好事。」
■賭王四房大女何超盈（右）和Moiselle太子爺陳柏熹（左二）是晚宴的籌委。
等緊心動劇本之之曾透露不欲拍戲或幕前演出，她前晚改口：「出年可能返內地做綜藝節目，類似真人騷，因為節目要出埠，覺得幾好玩，不過未簽，未應承實，唔會擔心要太多時間，或者要體能玩遊戲，平時有做運動，我都冇乜底線，都玩得，只要唔好太危險就得。」之之曾提及息影，她謂要重新再考慮：「工作做多咗，有啲嘢反而接受番，𠵱家時間多咗，個人活躍咗，想做返自己鍾意嘅嘢，以前都講過唔拍電影，不過真係有啲電影劇本係為我而寫，𠵱家都收到劇本，等緊一個好心動，可能會做。」之之有10多年沒接戲，面對鏡頭會怯，她沒指定對手想合作，記者建議劉德華，之之笑言：「係就定啲，有朋友喺度，冇話邊個，最緊要角色。」
■游學修出席籌款晚宴，與梁唐青儀合照。
■徐子淇和老公李家誠恩愛撐場。
■林心兒穿上低胸裝，展示性感美，同時又騷長腿。
生日想去旅行同場的游學修為大會拍了一條扮差利卓別靈的黑白喜劇片，他說：「我讀演藝嗰時去意大利學習，我有扮過差利，最終嬴咗，第二年要做嘢冇機會再去。」Ball后薛芷倫本月10日牛一，本想到峇里旅行，但因要傾生意取消，她覺得生日最重要是健康及有朋友聚會，她曾恨有伴，並自爆近日有桃花運：「我比較揀擇，最緊要性格同生活習慣符合，我食嘢健康，又可以大家傾吓生意經，我唔係少女，希望對方成熟啲，唔會生BB，𠵱家有一、兩個有好感，但比較細。」
採訪、攝影：盧妹
|
鍾意就快D Share啦！
|
|
|
