「歌神」張學友假紅館舉行的《A Classic Tour學友．經典世界巡迴演唱會-香港站》首場演出順利完成，受訪時，學友再次表示回到香港主場演出確實會緊張：「今次好啲，之前做咗十幾場，緊張都唔會甩得好犀利，我畀自己80分。（嗰20分扣喺邊？）好多細細嘅嘢，執執就冇事，唔覺咁就正啦。」又指沒有因開騷而消瘦很多：「其實冇咩點瘦，前後都係5磅左右。」
提到他換了超過十套服裝，當中更大玩森巴風似足嘉年華，學友亦表示目不暇給，又指自己有份參與舞台設計。問到舞台製作費是否很昂貴？他說：「我個tour攤開嚟嘅，所以ok，真係幾錢我唔知，但要多謝今次主辦放晒手畀我做，幾乎我講嘅都做到，除非技術上唔得。（減你歌酬？）冇喎，多過以前，冇暴漲，但多咗。（破紀錄？）冇諗過，做呢個騷係開心嘅，因為唔知第日仲有冇得做，咁樣跳體力都需要好多，仲可以做到真係幾開心，唔知係咪大家嘅經典，起碼係我自己嘅，都感動㗎。」又指香港觀眾的反應與其他地方的有明顯分別：「同聲同氣好處係講嘢簡單啲，地域性係有嘅，但算成功，所有地方都係熱情。」至於家人可有來捧場？學友透露其母親有來到現場：「小朋友要返學，太太今日冇嚟，之後會嚟，當然係我逼佢嚟啦。」問到為何個唱只淮傳媒影頭兩首及最後一首歌？他指過去一直採用這個做法。
張學友太太羅美薇1980年代以開心少女組成員之一進入娛樂圈，1986年演出電影《痴心的我》同片中男主角張學友相識並墜入愛河。1992年拍完電影《女兒當自強》後淡出影壇，之後專心輔助張學友發展。1996年羅美薇與張學友於英國註冊結婚，分別在2000年及2005年誕下兩女。羅美薇神隱多年專心做張學友背後的女人，除咗私人活動外，鮮有公開露面示，如果今次張學友可以成功逼太太羅美薇現身睇騷，絕對係兩人極少同場上鏡嘅機會。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
