掃呢頁CODE去手機

2016年12月31日 星期六

又要淆又要蒲!大劉倒數驚餐死 __,大劉,劉鑾雄,

又要淆又要蒲,何必呢?!華人置業前主席大劉劉鑾雄自從換腎後,一直在家養病,呢幾天身體好番少少,就學人出去除夕派對玩倒數,但大劉又要玩又要驚,出嚟派對驚人多細菌多,控制唔到全世界人要戴口罩,唯一可以任佢點嘅就係身邊保安團,所以規定身邊嘅保安團一律要戴口罩及帶白毛巾,仲要同佢不能有任何身體接觸,既然咁驚,又何必出來玩倒數?今晚約九時半,大劉與太太陳凱韻(甘比)及女兒劉秀樺乘車抵達中環用膳兼倒數,現場早 ...


又要淆又要蒲,何必呢?!

華人置業前主席大劉劉鑾雄自從換腎後,一直在家養病,呢幾天身體好番少少,就學人出去除夕派對玩倒數,但大劉又要玩又要驚,出嚟派對驚人多細菌多,控制唔到全世界人要戴口罩,唯一可以任佢點嘅就係身邊保安團,所以規定身邊嘅保安團一律要戴口罩及帶白毛巾,仲要同佢不能有任何身體接觸,既然咁驚,又何必出來玩倒數?

今晚約九時半,大劉與太太陳凱韻(甘比)及女兒劉秀樺乘車抵達中環用膳兼倒數,現場早有四名保安守候,甘比和劉秀樺首先下車,化了妝的甘比穿着米色喱士連身長裙,拖着劉秀樺下車等候大劉,大劉一邊手拿着拐杖,另一邊手則隔着白毛巾搭着一名保安的前臂慢行,計埋隨後加入的兩名保安,現場共有六名保安,各保安一律戴上口罩,及手上拿着白毛巾作準備,而甘比要一邊扶着大劉,另一邊又拖着劉秀樺行,六名保安則前後包圍大劉,隊形十分誇張,現場所見大劉行得好慢,原本打算行往搭𨋢,但因現場太多記者,大劉突然手指指示意行另一邊搭扶手電梯,但搭扶手電梯要先落幾級樓梯,然後再上扶手電梯。期間大劉為防記者掂到佢,即開口向記者說:「你哋都要小心啲!」原本幾步路,但大劉足足行了數分鐘才沿扶手電梯上樓,有記者向甘比講:「Happy New Year」,甘比則報以微笑。

而相隔一分鐘,細劉劉鑾鴻偕太太到場匯合大劉,有人向細劉說「Happy New Year」,細劉則回應「大家咁話!」


來源 source: http://hk.on.cc
鍾意就快D Share啦!