【新增內容】睇個樣，咪以為佢係袁偉豪，佢係Neway太子爺薛世恒（Daniel）幾年前出走Neway唔搞卡拉OK，家陣轉行搞地產，學人做收租佬。首個項目是翻新昔日旺角豉油街鴻都大廈旗艦店，花費5,000萬元，重新打造命為「Loft by 20」，打造1.7萬方呎旗艦店向品牌招手，意向月租133萬元，呎租78元，低市價35%。Daniel不諱言：「呢個時候招租的時機差到不得了，但租舖的時機就好到不得了。」無他嘅，8年前低位買入，預計整個商場月收200萬元租金，回報率講緊一年12厘！2003年至2007年執掌Neway大權，「唔代表我識得做，只不過做咗呢個位，好彩生意穩步維持」，08年退出Neway，搞自己公司，無心插柳做咗地產，他憶述當年開始涉獵地產市場：「經營卡拉ok個陣，買咗啲自置物業，地點可以負擔幾錢租，好factual，有啲物業係有佢嘅價值。有啲分店，業主問：『你哋係度做開，有無興趣買呀？』租金反映價錢，租金負擔到，就買咗佢，以免日後加租。」公司叫20&Co.，他解釋：「公司叫20，是見到社會不停轉變，要將物業改建、活化甚至改變用途，迎合未來20年的需要。」首個項目是花約5,000萬元翻新昔日旺角旗艦店豉油街鴻都大廈地下及1至2樓，命名「Loft by 20」，明年農曆年後動工，暑假完工。呢個物業正正就是租變買，2002年開始以月租38萬元承租，簽長約至2008年，約滿後向新地（016）以1.93億元買入，其後業權轉到薛世恒名下公司。Daniel話：「唔想係centre，希望個場同客人互動，唔淨係望，是可以玩。呢個就是loft的idea。至於建築設計工廠feel，純粹是我由細到大係觀塘廠廈四圍走，對工廈有種情意結。」他續稱，網購打敗昔日旺角的骰舖，「一間細舖角色可能是物流，但而家買野速遞公司已可以俾到你。」商場一定要轉型，提供地方予品牌建立形象，「由建築設計，入舖感受，到攞件貨上手，呢啲實體店，先至感受到品牌。」商場翻新後將分東翼及西翼，東翼包括地下1及2號舖、1樓及2樓，建築面積由1,763方呎至6,009方呎，以食肆為目標租客，其中2樓已獲一鍋堂預租。西翼將重建為17,133方呎的旗艦店，叫租133萬元，呎租78萬元，平市價35%。比較同區旗艦店租賃，例如今年初美國時裝品牌Forever21以月租約230萬元承租旺角西洋菜南街1A至1K號百寶利商業中心3層，建築19,217方呎，呎租約120元。目前西翼旗艦店已有多個潛在租客洽談中，租金是市價35%，Daniel不諱言：「呢個時候招租的時機差到不得了，但租舖的時機就好到不得了，基本上摸底咁滯，最好簽長約。」不必是國際品牌，亦希望租予本地品牌，希望可以一起成長。預計翻新後整項物業，每月收租約200萬元，以當日買入價計，回報率達1.2分息。完成首個項目，下一個項目就是3年前在二手市場以約1.3億元購入的汀九地皮，目前申請提高地積比上限，期望發展低密度住宅。近年有不少富二代，憑藉家族財力支持，另闢自己生意。薛世恒由發展娛樂事業變為收租佬，另一位富二代則選擇將家族收租事業擴大版圖，進軍飲食行業，同屬舖王鄧成波，人稱「波叔」，其孻仔鄧耀昇(Stan)，經營物業、金融服務、酒店餐飲、傳訊的業務。波叔兩年前入主東海飲食集團，將生意交由鄧耀昇打理，計劃斥逾億元將品牌改造，除以粵菜為主的東海、海都酒家外，將逐步拓展日、韓及西餐等路線，走不同路線食肆攻消費市場。記者：陳家雄掌握財經生活資訊，即Like「蘋果ATM」fb專頁
