是日冬至，現年37歲嘅「索腿天后」陳敏之搶先報喜、為老公雷偉信（William）剖腹誕下重逾7磅11安士囝囝，索腿天后仲好應景咁幫囝囝個乳名改做「雷冬至」，堅係型！「雷公子」(又稱「雷沙湯丸」)趕及今日出世，陪父母過冬至兼迎聖誕，絕對係敏之兩公婆最好嘅禮物。係咪特別擇日冬至剖腹？敏之話係老公揀。」堪輿家麥玲玲大讚雷冬至命格好，敏之心中有數有追女大計，除湊成好字，索天后也有接班人：「剖腹生都要調理番身體先，最快一年後。」雖然生完BB之後好攰，但敏之難掩興奮，因為期待了9個月的小情人，終於見面，佢接受傳媒訪問時稱：「我真係好鍾意佢，生咗出嚟，睇極都唔厭。」索腿天后的囝囝雷冬至遺傳了媽咪長腿，敏之說：「囝囝仲有大腳板，臉形同頭形似爸爸，係佢倒模，似爹哋靚仔。」生B嗰陣老公有冇陪入產房？敏之話：「有，佢捉實我手畀我鼓勵，不過佢冇剪臍帶，因為佢又要影相又要拍片，好忙。」看着雷冬至出世，雷生雷太都非常感動，但亦非常心痛：「由於囝囝頭形大，所以出世時，醫生用夾輔助挾佢出嚟，頭部有個瘀痕，我好心痛，但醫生話大約兩、三日就褪。」生B後敏之話傷口有痛，所以聽日先會嘗試落床，仲要吊鹽水，未能進食：「生完我好肚餓，陀B時食大咗個胃，聽日先可以食嘢，所以我未嘗試餵人奶。」
| 初為人母的敏之，抱住囝囝說:「我真係好鍾意佢，生咗出嚟，睇極都唔厭。」 | | |
| |
來源 source: http://s.nextmedia.com
|
鍾意就快D Share啦！
|
|
|
