現年47歲嘅梁小冰，1990年參選港姐得到季軍，咁多年嚟佢保養得相當唔錯，當年選美同o依家個樣……冇乜分別！咁小冰的少女時代呢？呢個答案，由小冰答番你，噚晚佢喺facebook公開一批佢15歲嘅少女相，真係好清純好pure好秀氣，重點係，睇番小冰嘅五官，就知佢冇整過容。今日《蘋果》打俾小冰，講到呢批少女相，讚佢冇整過容，小冰笑住話：「嗰時15歲就係咁嘅樣囉，我諗對眼同下巴真係冇整過，因為o依家啲人會特別整呢兩個部位吖嘛，我個尖下巴係遺傳我媽媽嘅。」記者話小冰老公陳嘉輝執到寶，但小冰就狂讚自己老公後生嗰陣都好靚仔，佢話：「咁又唔係咁講。最近我拍緊部微電影(《白蘭花》)，需要啲舊相，我喺床下底摷番啲舊相出嚟，結果我摷埋我老公嗰啲。」「我話佢後生嗰陣咁似李敏鎬同劉德華嘅混合體，我話好靚仔呀，但就冇post佢啲相，變咗我都忍唔住俾大家睇吓我15歲個樣。啲相擺喺床下底，我自己好耐都冇睇過，所以第一次公開俾大家睇吓囉，原來啲人反應咁熱烈咁鍾意，所以都好開心。」之後小冰仲送多張相13歲嘅少女俾《蘋果》，真係細細個已經咁靚女！
| 小冰噚日呢啲15歲少女相，真係好吸引。（梁小冰facebook圖片） | | |
| | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|
