掃呢頁CODE去手機

2017年1月21日 星期六

阿嬌36歲生日 阿Sa晒合照「認愛」 __,阿Sa,鍾欣潼,阿嬌,蔡卓妍,

好啦,就成全你哋啦~~~今日係藝人鍾欣潼(阿嬌)36歲生日,早前已經晒過同大班同事慶祝食cake大合照,嚟到正日,雖然佢仲未晒生日相,不過佢嘅好姊妹蔡卓妍(阿Sa)就已經火速送上生日祝福,仲搞笑地咩都講三次,果然真係重要的事情要講三次!阿Sa喺社交網上載咗同阿嬌嘅四連拍合照,兩個頭貼頭笑容一致,阿嬌仲將自己個頭放喺阿Sa膊頭,兩個人又齊齊嘟嘴,Sweet得佢吖,再加上阿Sa嗰三句「愛妳喔❤️愛妳喔 ...


好啦,就成全你哋啦~~~

今日係藝人鍾欣潼(阿嬌)36歲生日,早前已經晒過同大班同事慶祝食cake大合照,嚟到正日,雖然佢仲未晒生日相,不過佢嘅好姊妹蔡卓妍(阿Sa)就已經火速送上生日祝福,仲搞笑地咩都講三次,果然真係重要的事情要講三次!

阿Sa喺社交網上載咗同阿嬌嘅四連拍合照,兩個頭貼頭笑容一致,阿嬌仲將自己個頭放喺阿Sa膊頭,兩個人又齊齊嘟嘴,Sweet得佢吖,再加上阿Sa嗰三句「愛妳喔❤️愛妳喔❤️愛妳喔❤️」,直頭好似「認愛」咁甜!雖然阿Sa好有心,不過佢就自爆因為飛機Delay,搞到佢唔可以準時12點就送上生日祝福,但其實都係遲咗20分鐘左右啫,有心唔怕遲,斷估阿嬌都唔會因為咁而嬲係嘅~~~

阿Sa社交網寫道:「今天是小嬌嬌👑生日~今天是小嬌嬌👑生日~今天是小嬌嬌👑生日~

生日快樂🎂生日快樂🎂生日快樂🎂

祝妳

每天都幸福快美麗😍~

每天都幸福美麗😍~每天都幸福美麗😍~

最重要

身體健康~身體健康~身體健康~

愛妳喔❤️愛妳喔❤️愛妳喔❤️ 重要的事情必須要講三次😜我講完了 到你們囉 #飛機延誤害我不能準點」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!