【新增內容及圖片】
韓國天團BIGBANG將於今晚喺啟德郵輪碼頭開騷，粉絲都好期待今次演出，事關成員T.O.P將於下月9號入伍。而BIGBANG有唔少圈中人都熱愛，但可以見到BIGBANG，真係連明星名人都瘋狂，不過雖然藝人成功撲飛，但入場嘅待遇都有唔同，好似連詩雅、方力申咁，佢哋就同普通觀眾一樣早早去到現場排隊睇BIGBANG，但係有唔少藝人就好醒目，唔知佢事前同大會溝通好，定係因為地位超然，好似阿Sa、周秀娜、楊千嬅等都可以去到觀塘嘅VIP區上車，唔使同人迫就可以入場。好似連詩雅咁就相約友人到現場，連詩雅受訪時話佢本身勁鍾意BIGBANG，特別鍾意都G-DRAGON，佢話本身佢買咗最貴嘅企位飛，因為知道T.O.P下月入伍，原本想排頭位，仲book咗兩點船，點知因為太多人，佢要成3點先到，佢仲話本身想霸頭位，但最後都霸唔到，不過唔緊要，佢每年都會睇BIGBANG。而連詩雅排咗成兩個鐘先成功入場進行check bag等程序。而陸續都有唔同藝人去到觀塘VIP接送區出入會場，當中戴住口罩嘅周秀娜、方力申同友人、阿Sa、馬天佑、拉姑同老公鬍鬚Kwong、Super Girls嘅Heidi等，病住都要嚟嘅娜姐話自己好鍾意BIGBANG，雖然訂飛過程有難度，但佢都想拎到最靚位置，所以病住都會嚟來睇，對於咁遲先到，佢話：「今次有分區，估計企位冇咁混亂，上次係先到先得。」娜姐仲自爆上次睇BIGBANG騷時都好想摸吓佢哋，但郁一郁都會被人推，所以今次佢就帶少啲隨身物品，雖然病住嚟，但都好開心難得有一日假都嚟現場睇。Heidi一做完嘢就即撲嚟睇騷，佢話因為之前因為工作撞期，所以一直都未睇過BIGBANG，今日難得就到時間就即嚟睇，即來睇。至於Sa等人就未有接受訪問。千嬅亦有到現場，佢話自己都係BIGBANG粉絲，想來觀摩一下，因為香港很少這些騷，韓國站都有睇過一次，今日就同老公丁子高來睇，連阿囝都識唱BIGBANG嘅歌《BANG BANG BANG》同《LOSER》，出門口時阿囝都有扭計，點解唔帶佢來。頭先來大會有安排車畀我，自己想買皇冠燈畀個囝，因為阿囝鍾意皇冠方力申同10個朋友一齊排隊等入場睇騷，佢話唔想朋友分散晒所以就一齊排隊，亦都感受吓排隊嘅感覺，佢亦表示今日天氣幾好。被問到鍾唔鐘意BIGBANG，佢直言唔係特別鍾意，亦係第一次睇，不過聽講係入伍最後一次演唱會，加上BIGBANG係韓國最紅嘅組合，所以都想欣賞吓佢哋嘅舞台同舞蹈。另外，大會喺場內設置BIGBANG周邊商品嘅攤位，只見銷情都好好，有部分商品包括帽、鎖匙扣、口罩、海報等已經售罄。
| 阿Sa 攝影：陳俊強 | | |
| | | |
| | | |
| | | |
|
鍾意就快D Share啦！
|
|
|
